أخبار محكمة الأسرة اليوم
محكمة الأسرة.. هدى: متجوز عليه في السر بقاله 15 سنة ورافض يديني حقوقي الشرعية
بعد عشرة 20 سنة، توجهت هدى لمحكمة الأسرة لتضع حدا لمشاكلها التي لا تنتهي مع زوجها، متهمة إياه بخيانة العيش والملح حيث اكتشفت أن أبو أولادها تزوج من أخرى منذ 15 عاما دون علمها.
قصص محكمة الأسرة..انا وجوزي كنا جيران
وقالت «هدى» في بداية حديثها : «أنا اتجوزت من 20 سنة وخلفت من جوزي 3 أبناء، حيث شاهدني بحكم الجيرة وتقدم لأهلي وتزوجنا وعشنا سويا قصة حب، وكانت الحياة وردية لا تشوبها مشكلة.. هو كان بيصون بيته وولاده ومش مخلينا محتاجين حاجة».
وتابعت «هدى» حديثها قائلة: «طول حياتي مع جوزي الدنيا كانت طبيعية جدا هو كان بيشتغل وبيصرف عليا أنا والولاد ومش مخلينا محتاجين أي حاجة، كل طلباتنا الأساسية والزيادة بيجبها، كنا مبسوطين والدنيا ماشية».
دعاوي محكمة الأسرة..متجوز عليا بقاله ١٥ سنة
أضافت الزوجة: «من سنة تقريبا اكتشفت أن جوزي متجوز عليا، عرفت من ناس هما اللي قالولي وساعتها واجهته ومأنكرش أنه متجوز، طلع متجوز عليا بقاله 15 سنة وأنا معرفش، وكان مستغفلني واللي متجوزها دي كانت أكبر منه ومني في السن وأنا مكنتش أعرفها خالص».
بعد علم الزوجة بأنها تم خداعها لمده 15 سنة، قررت الانفصال، مؤكدة أنها لا تستطيع العيش مع رجل مخادع مثل زوجها: «لما عرفت إنه متجوز عليه مقدرتش أكمل معاه، خاصة وأنه رفض يطلقها أو يطلقني، قالي مش هطلقك واللي عندك اعمليه، وسايباه دلوقتي بقالي 6 شهور ومن ساعتها وهو مبقاش بيصرف عليه أو على الولاد عشان يعاقبني أنا والعيال، وجيت المحكمة لأن معنديش حل تاني ورفعت عليه قضية خلع ونفقة».
تابع أحدث الأخبار عبر
