أخبار محكمة الأسرة
محكمة الأسرة .. أسماء: وعدني بالنفقة ومبيدفعش عشان المخدرات
كانت المخدرات سبب تواجد أسماء في محكمة الأسرة مثل العديد من السيدات غيرها التي دمرت المخدرات حياتهم، كانت حياة أسماء مع زوجها حياة طبيعية وظنت أنها ستستمر بهذا الشكل حتى بعد انفصالها عنه، لكن سيطر الإدمان على عقل زوجها وجعله يترك زوجته وأبنائه محتاجين وليس لديهم ضهر أو سند حنى اضطر أسماء ان تتوجه لمحكمة الأسرة حتى تحصل على حقوق أبنائها الذي لا ذنب لهم في أخطاء أبيهم.
قصص محكمة الأسرة.. اتعرفت على جوزي عن طريق الشغل
قالت «سعاد» في بداية حديثها : «أنا متجوزة من 10 سنين معايا من جوزي 3 أولاد أنا وجوزي مكناش قرايب تعرفنا على بعض عن طريق الشغل، كنا بنشتغل سوا وكان كويس جدا ولطيف واتقدم لي وأهلي وافقوا عليه واتجوزنا على طول، كنا بنكمل سوا حق كل حاجة ومكنش عندي اعتراض لأنه كان مبيبخلش عليا بحاجة ابدا».
حكايات محكمة الأسرة.. جوزي بقى يشرب مخدرات
تابعت «سعاد» حديثها قائلة: «بعد الجواز والخلفة جوزي هو اللي بيشتغل وكان بيصرف عادي، والدنيا كانت ماشية ومفيش مشاكل عادي لحد في اخر فترة هو اتغير جدا وعرفت انه بقى يشرب مخدرات من الحالة اللي بقى فيها من عصبية وصوت عالي وبهدلة وشتيمة ليا انا والولاد هو ده اللي عرفني لأنه عمره ما كان كدة في الأول كان كويس جدًا ومحترم وتاكدت لما دورت وراه ولقيت المخدرات».
دعاوي محكمة الأسرة..اتطلقت ودي عند المأذون
أضافت الزوجة: «حاولت معاه كتير انه يتعدل ويصرف ويبقى كويس لكن مفيش فايدة دماغه بقت للمخدرات بس ومفيش حاجة نافعة معاه، وبقى كل شوية خناقات وبهدلة بسبب ومن غير سبب كل ده بسبب المخدرات لحد ما خلاص تعبت منه ومن الحياة معاه وقررت أسيبه وفعلًا اطلقنا عند المأذون وهو مرفضش الطلاق خالص وسابلي البيت أنا والولاد كأنه ما صدق يخلص مننا ومن همنا».
قضايا محكمة الأسرة..وعدني بالفلوس وقالي عندك المحاكم
أنهت «سعاد» حديثها قائلة: «منفصلة عنه دلوقتي بقالي ٩ شهور بعد ما سيبته مبقاش يصرف خالص اتفق عند المأذون انه هيديني فلوس ليا انا والعيال لكنه اداني فلوس شهر واحد بس بعد كدة ساب الشغل وقعد في البيت ومرضيش يديني جنية تاني ولما حاولت اتفاهم معاه إن مينفعش اللي بيعمله ده وعشان خاطر العيال قالي عندك المحاكم واللي عندك اعملبه، جيت المحكمة عشان اشوف هعمل ايه وارفع قضية نفقة صغار عشان حق ولادي اللي هو واكله عليهم وبيصرف فلوسه على كيفه والمخدرات وبس».
تابع أحدث الأخبار عبر
