أخبار محكمة الأسرة
محكمة الأسرة .. مروة: أمه وأبوه داروا عليه إنه اتجوز ومضوا على الإخطار إني موافقة
دعوى خلع أقامتها مروة في محكمة الأسرة بعدما علمت بزواجه الثاني دون اخباراها، فاض بها الكيل بعد كما تحملت إدمانه منذ 3 سنوات ورفضه الإنفاق عليها هي والأولاد دون أن يقدر زوجها كل هذا وكانت نتيجة صبرها وتحملها لتعاستها معه هو محكمة الأسرة.
محكمة الأسرة وحكاياتها
"رايح يصرف فلوسه على مراته التانية" كانت هذه العبارة التي بدأت بها مروة رواياتها للقاضي وهي لا تتخيل أنها تقصد محكمة الأسرة في يوم من الأيام، مؤكدة انها تعاني مع زوجها منذ 3 سنوات بسبب ملاوعة زوجها ورفضه الإنفاق عليهما بحجة أن ظروفه المادية سيئة جدًا ولا يقدر على تغطية تكاليف مصاريفهم، أكملت قائلة: "كنا كويسين وحياتنا ماشية كويسة بس بقاله 3 سنين من ساعة ما بقا يشرب مخدرات وهو اتغير معايا ومبقاش بيصرف وكل ما أقوله عايزة فلوس يقولي مش معايا".
قصص محكمة الأسرة.. بقا مدمن ومش عايز يصرف علينا
تفاقمت المشكلات بينهما بسبب رفضه الإنفاق عليهم مع العلم أنه يهدر كل أمواله على شرب المخدرات، عندكما فقدت الأمل في إصلاح الأمور قررت البحث عن العمل حتى تنفق على أولادها الثلاثة، تابعت مروة: "بقا ضايع خالص والمخدرات طيرت عقله خالص، ولما لقيت مفيش أي فلوس نزلت اشتغل عشان اصرف على العيال، وقلت فترة ويرجع لعقله بس الحقيقة أنه زاد في شربه ومبقاش معايا أنا والعيال خالص".
أخبار محكمة الأسرة.. أبوه مضى على إخطار الجواز إني موافقة
تغاضت مروة عن شربه وإدمانه حتى لا تتفاقم المشكلات ولكن السر الذي اكتشفته كان السبب في إصرارها على إنهاء حياتهما الزوجية معه، قالت: "كنت بحاول أعدي الدنيا ومبقتش بطلب منه فلوس، بس اللي زود بينا المشاكل لإني عرفت إنه بيخوني وبيكلم ستات عليا وكل ما أكلمه يقولي انا حر اعمل اللي أنا عايزه انتي ملكيش دعوة"، تابعت: "سبت البيت واتفاجئت إنه اتجوز عليا وانا عرفت بالصدفة واللي زود المشاكل بينا ان أمه خدت اختار الجواز من المحكمة عشان معرفش إنه اتجوز عليا وأبوه مضى في اختار الجواز إن موافقة على الجواز وأنا معرفش حاجة"
انهت حكاياتها للقاضي: "أول لما عرفت إنه اتجوز عليا مكلمتوش ورحت على المحكمة علطول ورفعت عليه قضية خلع عشان اخلص منه حاجة ومش عايزة حقوقي من وشه"
تابع أحدث الأخبار عبر
