أخبار محكمة الأسرة اليوم
حسن لـ محكمة الأسرة : سابتني عشان تتجوز ومبهدلاني في المحاكم
تواجد حسن على أبواب محكمة الأسرة وفي عينيه الحسرة والألم على ما شهده من زوجته أم أولاده، التي دمرت أسرتها حرمت الأبناء من أبيهم وحرمت الزوج من أن يكون له أسرة وحياة طبيعية كل ذلك بسبب نواياها الخفية وهي الزواج من رجل أخر غير زوجها.
قصص محكمة الأسرة..أنا ومراتي كنا جيران
قال «حسن» في بداية حديثه: «أنا اتجوزت من 8 سنين خلفت من مراتي ولد وبنت اتعرفنا على بعض واتجوزنا احنا كنا جيران، اتقدمتلها وأهلها كانوا ناس كويسين ومفيش منهم مشاكل وهي كانت طيبة وكويسة اتجوزنا وحمدت ربنا على البيت والأسرة».
حكايات محكمة الأسرة.. المشاكل بينا عادية
تابع «حسن» حديثه قائلا: «من ساعة ما اتجوزت مراتي كان فيه مشاكل بس كانت مش كتير كانت العادية زي أي اتنين متجوزين وكانت بتبقى خلافات على المصاريف أو مشاكل بسبب الأهل سواء أهلي أو أهلها المشاكل بينا كانت عادية وكانت تتحل ومش كبيرة ومكنتش أعرف أنها هتوصل للي وصلناله في الأخر».
دعاوي محكمة الأسرة.. اتجوزت أول ما شهور العدة خلصت
بعد حصول الزوجة على حريتها بدون رغبة الزوج توجهت لمحكمة الأسرة مرة أخرى لتسأل عن حقوقها التي لم يمنعها عنها حسن او عن أولاده ولكنها لم يكفيها ما فعلته بالزوج لكن قررت أن تدمر ما تبقى في حياته ويمكنه العيش لأجله.
أضاف الزوج لكلامه: «أخر مشكلة حصلت بينا كانت خلاف على المصاريف كانت عايزة فلوس وأنا مكنش معايا يكفي اللي هي عايزاه، خدت العيال وراحت عند أهلها سيبتها كام شهر تهدى بس اكتشف أنها رافعة عليا قضية طلاق للضرر عشان المصاريف حاولت معاها أننا نتنازل وترجع لكنها رفضت، واتحكملها بالطلاق وخدت العيال اتجوزت أول ما شهور العدة خلصت».
قضايا محكمة الأسرة..بهدلتني وحرمتني من ولادي
أنهى «حسن» حديثه قائلا: «طلعت عايزة تنفصل عشان تتجوز شخص تاني وأنا مش عارف، ومش مكفيها اللي عملته لأ رفعت عليا قضايا نفقة وأنا بصرف على الولاد ومش مخليهم محتاجين حاجة، بهدلتني في المحاكم خدت فلوسي ورفعت عليا قضايا كتير غير إنها حرمتني من ولادي ومش مخلياني أشوفهم».
تابع أحدث الأخبار عبر
