أخبار محكمة الأسرة اليوم
محكمة الأسرة.. نادية: مريض نفسي ومش راضي يتعالج وبيضربني كل ما تجيله النوبة
وصلت نادية لأعتاب محكمة الأسرة حتى تحصل على نهاية من حياتها مع زوجها الذي منذ زواجها منه اكتشفت أنه رجل غير سوي نفسيا ولا يصلح أن يكون زوج أو أب، ولكن تمسكت الزوجة بزوجها لأنها كانت زوجة صالحة وأرادت أن تحافظ على بيتها وأسرتها، ولكن ما عاشته معه كان يكفي ليجعلها تلجأ لمحكمة الأسرة حتى تنهي حياتها مع زوجها.
قصص محكمة الأسرة.. جوزي مريض نفسي
قالت «نادية» في بداية حديثها: «أنا اتجوزت من 5 سنين خلفت من جوزي ولد بس، اتخطبنا مدة صغيرة وملحقتش أعرفه كويس، بعد الجواز اكتشفت أن جوزي مريض نفسي، هو كان قايلي إنه مريض نفسي وبيتعالج بس وقف علاج ومش عاوز يرجع لأنه بيتعبه أكتر وأنا مكنتش فاهمة وقتها حالته شكلها ايه ولا هتوصل لإيه».
حكايات محكمة الأسرة.. بيضربني واحنا في الشارع
تابعت «نادية» حديثها قائلة: «الحياة معاه كانت صعبة كل شوية ضرب وطرد من البيت، كل ما تيجي نوبه اكتئاب يضربني ويبهدلني حتى لو كنا في الشارع، شفت معاه عذاب بس كنت بتحمل وأقول جوزي ومينفعش أسيبه واتخلى عنه».
دعاوي محكمة الأسرة.. أهلي وأهله بيساعدونا في المصاريف
أضافت «نادية»: «كان مفيش مصاريف طبعا لأنه مبيكملش في شغلانة وأنا مقدرش أنزل واشتغل واسيبه مع ابننا لوحده كان لازم ابقى معاه، أهلي كانوا بيساعدوني ويدوني مصاريف وأهله كانوا بيساعدونا برضوا بس مكنش ينفع أفضل عايشة الحياة دي، وهو كان رافض العلاج خالص وكل مادى الضرب بيزيد وبقى عايز يطردني بليل وأنا لابسة لبس البيت وهو مش في وعيه خالص».
قضايا محكمة الأسرة.. مش راضي يطلق ودي وقالي عندك المحاكم
أنهت «نادية» حديثها قائلة: «بعد البهدلة والإهانة اللي عيشتها معاه دي تعبت وطلبت منه الطلاق وهو مش عاوزين يديني اي حاجة من حقوقي، عايز ياخد العفش والدهب وكل حاجة وقالي عندك المحاكم لو عايزة تاخدي حقك، دلوقتي سيبت البيت بقالي كذا شهر وجي المحكمة عشان أرفع قضية طلاق للضرر وهرفع عليه قضية نفقة وقضية قايمة هو ضيع حياتي معاه وأنا مش هقدر أكمل معاه».
تابع أحدث الأخبار عبر
