محكمة الأسرة اليوم
محكمة الأسرة .. نهال: وراني العذاب ألوان وجيت عشان خايفة على حياتي
كانت “نهال” في محكمة الأسرة بسبب ما عاشته مع زوجها صاحب الطبع الحاد والقاسي على زوجته وأبنائه منذ زواجه منها وهو لم يحترمها أو يقدرها وسقاها ألوان من العذاب، ومثل العديد من السيدات صبرت الزوجة على زوجها حتى تحافظ على بيتها وأسرتها وعلى أمل أن يتغير زوجها في يوم من الأيام ولكن انتهى بها الأمر على أعتاب محكمة الأسرة رافعة دعوى خلع حتى تنهي حياتها مع زوجها وتجد حل لمشكلتها معه.
قصص محكمة الأسرة.. اتجوزت على طول مكنتش اعرف جوزي كويس
قالت «نهال» في بداية حديثها : «اتجوزت من ٨ سنين خلفت من جوزي ولد، كان جواز صالونات اتجوزنا على طول مكنتش اعرفه كويس وهو مكنش يبان عليه أي حاجة وحشة كان شكله شخص عادي وطبيعي ومفيش منه مشاكل».
حكايات محكمة الأسرة .. كنت عايزة أخلف وخايفة يكون فيه مشاكل بيني وبينه
تابعت «نهال» حديثها قائلة: «في أول الجواز الدنيا كانت عادية والمشاكل قليلة هو بس كان عصبي وده انا كنت عارفاه من ساعة الخطوبة ووافقت عادي، في أول سنتين جواز انشغلنا في إننا كنا عايزين نخلف وكنا خايفين يكون فيه مشكلة ومنخلفش فضلنا نحاول ونكشف وده اللي خلى طبعه ميبانش وقتها».
دعاوي محكمة الأسرة .. جوزي بيكسر البيت عليا
أضافت الزوجة: «بعد ما خلفت ابني الدنيا اتقلبت والمشاكل زادت أكتر وكل مادى كانت بتزيد، كان على طول يتخانق ويعمل مشاكل بسبب ومن غير سبب حياتي معاه كلها مشاكل ومع كل مشكلة كان يكسر البيت عليا ويضربني ويبهدلني، معظم المشاكل كانت على المصاريف ولو مش عليها يبقى على أي حاجة تاني».
قضايا محكمة الأسرة .. كسر البيت مبقاش فيه حاجة متبقية
أنهت «نهال» حديثها قائلة: «لما خفت على حياتي أنا وابني واللي ممكن يعملوا معايا جيبت أهلي يجو ياخدوني ويلحقوني منه ولميت اللي اتبقى من البيت بعد ما كسر كل حاجة بسبب عصبيته في أي خناقة مبقاش فيه حاجة باقية مشيت ورحت عند أهلي وفي الأخر رفعت قضية خلع لأنه رافض يطلق ودي ».
تابع أحدث الأخبار عبر
