محكمة الأسرة اليوم
محكمة الأسرة.. سمر بدعوى طلاق: دلوع أمه وملهوش شخصية
لجأت سمر إلى محكمة الأسرة من أجل رفع دعوى طلاق حتى تتخلص من حياتها التي يعتريها المشكلات بسبب انسياق الزوج وراء حديث والدته وقراراتها دون اعتبار لها ولرأيها، فكانت دعوى الطلاق في محكمة الأسرة في النهاية هي الحل المثالي.
حكايات محكمة الأسرة.. معندهوش شخصية
تبدأ سمر حكاياتها لقاضي محكمة الأسرة مؤكدة أنها حاولت كثيرًا التغاضي عن خلافات ومشاجرات مستمرة تسبب فيها الزوج من بداية الزوج على أتفة الأسباب وبدأت المشكلات تتفاقم بعد ما بدأ أهله في التدخل في حياتهما الخاصة دون أسباب واضحة، تابعت: "في الخطوبة كان عنده شخصية عادي وهو اللي بياخد كل قراراته من غير ما أي حد تاني يتدخل، بس بعد الجواز كل حاجة اتغيرت خالص ولقيت واحد تاني قدامي".
قصص محكمة الأسرة.. مش عارفة اعيش مع واحد ملهوش شخصية
في البداية حاولت سمر التأقلم مع فكرة تدخل والدته في كل شيء يخصهما وكانت تتغاضى عن أشياء كثيرة حتى لا تفتعل مشكلات معه، ولكت زادت والدته في التدخل في كل شئون المنزل وكان هذا السبب الرئيس في انزعاج سمر.
تستكمل باقي رواياتها وتقول: "تفاجئت طبعًا باللي شوفته قدامي وحاولت اتغاضى عن حاجات كتير عشان مكبرش المشاكل بس برضو مفيش فايدة، أمه بتدخل في كل حاجة بينا وأنا مش عاجبني الحال دا بصراحة وقلت له كتير إن الموضوع دا بيضايقني بس هو عامل نفسه عبيط".
روايات محكمة الأسرة.. دلوع أمه وماشي وراها
تغاضت سمر مرات كثيرة عن تصرفات زوجها انسياقه وراء قرارات والدته الخاصة بشئون حياتهما الخاصة ما جعل المشكلات والخلافات تتفاقم وتتصاعد، تستكمل سمر قائلة: “أمه بتتدخل في كل حاجة من ساعة ما اتجوزنا وانا بعدي وأقول مش مهم، بس لما لقيت الموضوع زاد عن حده قلتله إني بضايق بس بيقولي أمي تعمل اللي هي عايزاه وانتي ملكيش دعوة، مش عاملي اعتبار وماشي ورا كلام أمه في كل حاجة”.
اختتمت رواياتها قائلة: "خناقاتنا مترت بسبب موضوع تدخل أمه في كل حاجة دا وهو مش فارق معاه حاجة، لما لقيته كدا مش راضي يسمع غير كلام أمه ومش عاملي أي اعتبار في حياته، سبت البيت ورفعت عليه قضية طلاق بقالي 5 شهور"، ولا تزال الدعوى منظورة في محكمة الأسرة حتى الآن.
تابع أحدث الأخبار عبر
