أخبار محكمة الأسرة اليوم
هالة في محكمة الأسرة: استغل وفاة أمي ورماني بالشارع
تواجدت هالة في محكمة الأسرة ، وهي تحمل الألم والحسة على ما مرت به مع زوجها الذي لم يصرف عليها أو على أولادها أبدا ، ولم يكفي احتياجاتهم طوال هذه السنين، وبعد تحمل الزوجة لظروف زوجها وإعانتها ومساعدتها لزوجها حتى يكموا حياتهم بشكل طبيعي دون خلافات، كانت تستلف من والدتها التي ساعدتها لأن الزوج كان قريبها وفي النهاية عندما توفت الوالدة بدلا أن يقف الزوج بجانب زوجته أوصلها لمحكمة الأسرة بسبب ظلمه لها.
هالة في محكمة الأسرة: استغل وفاة أمي ورماني بالشارع
قصص محكمة الأسرة.. وافقت على جوزي على طول عشان قريبي
قالت «هالة» في بداية حديثها: «أنا اتجوزت من 8 سنين خلفت من جوزي ولدين، جوزي كان قريب أمي اتقدملي ووافقت عليه عشان كان قريبي وقلت هيكون محترم ويخلي باله مني لكن غلطت لما وافقت عليه على طول».
حكايات محكمة الأسرة.. المشاكل مع جوزي بدأت من أول الجواز
تابعت «هالة» حديثها قائلة: «المشاكل مع جوزي بدأت من أول الجواز جوزي كان مبيصرش عليا وعلى ولاده غير على القد ومكنش بيكفي حاجة خالص ، ولا بيكفي مصاريفي ولا مصاريف الولاد وأنا كنت بتحمل وأقول معلش جوزي وأساعده».
دعاوي محكمة الأسرة.. أمي هي اللي بتصرف علينا
أضافت «هالة»: «طول سنين الجواز دي كانت أمي اللي بتساعدني وبتصرف علينا وبتساعدنا وتديني اللي أنا محتاجاه عشاني أنا وولادي نعيش ونبقى لاقيين ناكل هو كان عارف إن أمي اللي بتساعدنا وتصرف علينا وعمره ما شكرها ولا عمل اعتبار ليها وهي كانت بتقولي استحملي جوزك ومتخربيش بيتك».
قضايا محكمة الأسرة.. طردني من البيت بعد وفاة أمي
أنهت «هالة» حديثها قائلة: «لحد ما والدتي اتوفت من قريب ومن ساعة ما مات وهو زاد بعد وفاة لما لقى اللي بتساعدني ومشية الدنيا ماتت زاد في بخله بدل ما يتعدل من بعد وفاتها وزاد في الإهانة زاد في عنفه وعمل معايا مشاكل كتير لحد ما طردنا من البيت أنا والعيال، بعد ما رحت لأهلي أخويا قاله طلقها بالود رفض وقال هنروح المحكمة ونرفع قضية قال اعملوا اللي انتو عايزينه، وجيت المحكمة عشان أرفع عليه قضية خلع ونفقة».
تابع أحدث الأخبار عبر
