أخبار محكمة الأسرة اليوم
محكمة الأسرة .. حسين: أنا اللي جبته لنفسي ومعدتش قادر اتحملها هي وعيالها
لجأ “حسين” لمحكمة الأسرة بعد سنين عاشها مع زوجته الثانية وكان يأمل أن يعيش معها حياة طبيعية، وحاول بكل الطرق أن يسعدها ويلبي طلباتها ويعطيها حياة مستقرة مع أولادها من زوجها الأول، لكن ما وجده الزوج من زوجته هو نكرن الجميل وعدم تقديرها لزوجها أو بيتها أو أولادها حتى أوصلت الزوجة زوجها لمحكمة الأسرة بسبب طلبها الانفصال منه ورغبتها في خراب بيتها بالرغم من عدم رغبة الزوج من الوصول لهذه النهاية.
قصص محكمة الأسرة.. طلقت مراتي بسبب الخلافات
قال «حسين» في بداية حديثه: «أنا كنت متجوز أول مرة وخلفت من مراتي ولدين ولما انفصلنا الولاد كانوا عايشين مع والدتهم، بعد الطلاق بفترة اتعرفت على واحدة كانت متجوزة قبل كده برضو وكانت كويسة ومفيش منها مشاكل تقدمت لها واتجوزنا».
حكايات محكمة الأسرة.. رجعتلها ولادها عشان متتحرمش منهم
تابع «حسين» حديثه قائلا: «بعد ما اتجوزت في الأول الحياة كانت ماشية مع مراتي ومفيش مشاكل وخلفت منها ولد وبنت والدنيا كانت مشاية، وهي كانت عندها ولدين من جوزها الأول وكانوا معاه ومش عايشين معاها بعد ما اتجوزنا بفترة، أنا اللي جبتهم من جوزها عشان متتحرمش من عيالها دخلت في مشاكل كتير مع جوزها بسبب اني ارجع العيال».
دعاوي محكمة الأسرة.. أنا اللي ربيت وكبرت ولاد مراتي
أضاف الزوج لكلامه: «لما رجعت ولادها أنا اللي ربتهم وكبرتهم وصرفت عليهم زي ولادي بالظبط وكنت بعاملهم نفس معاملة ولادي، لكن هي مقدرتش اي حاجة من الحجات دي كانت بتتعامل كأنه حقها وحق عيالها إني أديها فلوس، وعيالها مش متربيين بيغلطوا ويشتموا ويقلوا ادبهم عليا».
قضايا محكمة الأسرة.. سيبت بيتي لمراتي والعيال
أنهى «حسين» حديثه قائلا: «أول ما قلت لمراتي هما كبروا خلاص ويقدروا يمشوا وابوهم أولى بيهم قالتلي لا مش هسيب ولادي وهفضل معاهم وانت عايز تمشي امشي، اتعصبت من كلامها مشيت فعلا وسيبت بيتي ليها ولعيالها وعيالي معاها عشان هي ترتاح بعد كدة اكتشفت انها رفعت عليا قضية خلع ومش عارف حتى رفعتها امتى وجيت عشان أعرف مصير القضية وأنا مش عايز أطلق».
تابع أحدث الأخبار عبر
