أخبار محكمة الأسرة اليوم
فص ملح وداب.. غادة لـ محكمة الأسرة : عايزة أطلق وأشوف مستقبلي
كانت "غادة" أمام محكمة الأسرة بعد اختفاء زوجها من حياتها فجأة دون سبب أو مبرر وتركه وهم مازالوا في أول زواجهم، وبعد محاولات الزوجة العديدة في البحث عنه توجهت لمحكمة الأسرة لرفع دعوى خلع.
قصص محكمة الأسرة.. ساعدت جوزي قبل الجواز لأني بحبه
قالت «غادة» في بداية حديثها: «أنا اتجوزت سنة ونص بس تقريبًا، وكنت أعرف جوزي عن طريق المكان اللي كنا شغالين فيه واتجوزنا على طول، لما اتقدملي لأني كنت بحبه وكان نفسي يبقى ليا بيت وأسرة معاه الجهاز قسمناه على بعض وساعدته قبل الجواز».
حكايات محكمة الأسرة.. المشاكل بيني وبين جوزي عادية
تابعت «غادة» حديثها قائلة: «أيام الخطوبة وأول الجواز الدنيا كانت ماشية ومفيش مشاكل والحياة كانت عادية ومفيش مشاكل، وحتى المشاكل كانت خلافات صغيرة عادية زي أي اتنين متجوزين وبتتحل عادي بيني أنا وهو ومكنتش أتوقع إن يحصل اللي حصل ده».
دعاوي محكمة الأسرة.. مختفي بقاله سنين ومعرفش طريقه فين
أضافت «غادة»: «من 5 سنين فجأة لقيت جوزي اختفى معرفتش هو فين ولا راح في الفترة دي كان بينا خلافات بس مش كتير أوي لدرجادي، سألت كل الناس عليه أهله وصحابه وكل الناس ومحدش اداني عقاد نافع وعرفني مكانه فين وقالي حتى هو مشي ليه دورت عليه في كل حته واستنيته السنين دي عشان يرجع لكن مرجعش وفضل مختفي».
قضايا محكمة الأسرة.. عايزة أخلص من جوزي
أنهت «غادة» حديثها قائلة: «لحد ما زهقت من إني استناه ومبقاش عندي أمل إنه يرجع أصلًا فقلت أجي أرفع عليه قضية خلع عشان أخلص منه، وأكمل حياتي واتجوز وأعيش حياتي أنا لسه صغيرة، واتقدملي عرسان كتير وأنا كنت برفض عشان مستنية جوزي اللي بحبه يرجع لكن مفيش فايدة وأنا لازم أعيش وأنساه زي ماهو نسيني وعاش حياته».
تابع أحدث الأخبار عبر
