أخبار محكمة الأسرة اليوم
رامية بلاها .. نادر أمام محكمة الأسرة: بديها نفقتها ومش ملاحق على القضايا
توجه "نادر" لأعتاب محكمة الأسرة بعد ظلم زوجته له وطلبها منه لم يستطع تحمله وفوق مقدرته، لم يرغب الزوج أبدا أن يصل لهذه النهاية ويدمر أسرته لكن ما أراده هو حياة طبيعية مع زوجته وأبنائه في بيت هادئ وحياة مستقرة، استغلت الزوجة أول الخلافات الكبيرة بينها وبين زوجها لتتركه وحده وتحرمه من أبنائه وأسرته، وقررت أن تدمر أسرتهم وتدمر حلم الزوج في الحصول على حياة طبيعية لتتوجه لمحكمة الأسرة تطالب بحقوقها التي لم يمنعها عنها زوجها قط.
قصص محكمة الأسرة.. اتجوزت مراتي عن طريق الصالونات
قال «نادر» في بداية حديثه: «أنا اتجوزت من 8 سنين خلفت من مراتي طفلين، كان جواز صالونات وخلفت من مراتي طفلين أول الجواز مكنش فيه مشاكل وهي كانت كويسة ومريحاني والحياة كانت ماشية وعادية كان فيها مشاكل بس زي الناس كلها عادي».
حكايات محكمة الأسرة.. معيش فلوس تكفي مصاريف البيت
تابع «نادر» حديثه قائلا: «انا كنت على باب الله بشتغل عند ناس وشغلي مش ثابت، وكان ده أكبر سبب للمشاكل إن أوقات مبيبقاش معايا يكفي مصاريف البيت ولا يكفي مصاريف العيال بس كنت بعمل اللي أقدر عليه، موضوع المصاريف كان عامل مشاكل كتير».
دعاوي محكمة الأسرة.. سابت البيت عشان مش عارف أصرف عليها
أضاف الزوج لكلامه: «كنت بعدي المشاكل وبحاول أديها مصاريف تكفيها، بس أخر مرة حصل بينا مشكلة كانت أكبر مشكلة وكان سببها أنها عايزة فلوس مش معايا وقتها خدت العيال ومشيت وسابت البيت وراحت عند أهلها وحاولت أرجعها ولكن هي صممت على رأيها، ولقتها بعدها رفعت عليا قضية نفقة وأنا كنت بدفعلها الفلوس اللي اتحكم لها بيها من المحكمة وهي بترجعها عشان تقول إني مبدفعش ولا بصرف على العيال».
قضايا محكمة الأسرة.. رافعة عليا قضايا كتير وبتتبلى عليا
أنهى «نادر» حديثه قائلا: «حاولت كتير أصالحها وأخليها ترجع بيتها لكن مفيش فايدة معاها مفيش حاجة عاجباها، لحد ما اكتشفت أنها رافعة قضية تبديد منقولات وزيادة نفقة وبتتبلى عليا وأنا معملتش حاجة، جيت المحكمة عشان أعرف هي رافعة عليا قضايا قد إيه، وهي دلوقتي واخده العيال ومش مخلياني أشوفهم حتى وهتضطرني أرفع قضية رؤية».
تابع أحدث الأخبار عبر
