أخبار محكمة الأسرة اليوم
محكمة الأسرة.. إسراء بدعوى نفقة : أهلي كانوا رافضين وفي الأخر حدفني من الدور الرابع
وصلت إسراء محكمة الأسرة بعد ظنها أن زوجها الذي كان يتمنى أن توافق عليه سيكون هو سندها وضهرها في الدنيا لكنه أصبح سبب ألمها وحزنها في الدنيا بعدما وثقت الزوجة فيه، منذ زواج إسراء كان من الواضح أن اختيارها لزوجها كان اختيار خاطئ وبعد تحمل الزوجة له على أمل أن يعود الرجل الذي أحبته في يوم من الأيام لكن ما وجدته مكانه هو وحش دمر حياتها ودمر ثقتها في الناس، حتى أوصلها لمحكمة الأسرة حتى تحصل على حريتها منه لأنها بعدما طلبتها منه كان سينهي حياتها.
قصص محكمة الأسرة.. أهلي كانوا رافضين جوازي وأنا صممت
قالت «إسراء» في بداية حديثها: «أنا اتجوزت في 2018 حصلت بينا مشكلة في 2020 انفصلت من قريب بحكم المحكمة في قضية طلاق للضرر، جوزي أتعرف عليا في كورس أول ما شافني كان مركز معايا أوي وبعد فترة اتقدملي 4 مرات كل مرة يتقدم ويترفض ويرجع يتقدم تاني عشان أوافق عليه فرحت بالاهتمام اللي كان مديهولي وأنه كان متمسك بيا، وافقت عليه أهلي كانوا رافضين بس أنا صممت على موقفي وإني أكمل معاه واتجوزه».
حكايات محكمة الأسرة.. اتحول من يوم الصباحية وبقى واحد تاني
تابعت «إسراء» حديثها قائلة: «أهلي كانوا رافضين بسبب إنه مكنش مناسب وقالولي أنه مش هينفعني وهيبهدلني معاه والحياة معاه هتبقى صعبة ، وكان عندهم حق فعلا من ساعة ما اتجوزته ويوم الصباحية عمل مشكلة معايا وضربني بسبب إن قريبي أتصور معايا في الكوشة يوم الفرح لوحدي من غيره، وهو في الفرح زعق لقريبي عشان بيتصور معايا وهو اتحول وبقى بني أدم تاني وكل الاهتمام والحب ده راح ومبقاش موجود».
دعاوي محكمة الأسرة.. رماني من الرابع لما طلبت الطلاق
أضافت الزوجة والدموع في عينيها: «استحملته سنتين على أساس إنه يتعدل ويبقى كويس زي الأول لكني طلعت غلطانة، طلبت الطلاق بعد سنتين بهدلة وإهانة وضرب بسبب ومن غير سبب لما قلتله قالي عايزة تسيبيني أنا لو مكنتيش ليا متبقيش لغيري مفهمتش وقتها ليه قال كدة، ضربني ورماني من الرابع صحيت في المستشفى مش فاكرة حاجة ، ولما عرفت اللي حصلي قررت اسيبه ومرجعلوش تاني خلاص والان منظرة الحكم في دعوى نفقة بعدما حصلت على الطلاق منه».
تابع أحدث الأخبار عبر
