أخبار محكمة الأسرة اليوم
محكمة الأسرة.. صفاء: ندمت انى رجعتله ودلوقتي بيعذب العيال ومش راضي يطلق
كانت محكمة الأسرة هي نهاية صفاء مع زوجها الذي اتقت الله فيه ، وكانت تأمل أن يكون سندها وشريك حياتها ، لكن ما عاشته مع زوجها كان عذاب أليم، تزوجت صفاء من سنين عديدة وعندما وجدت الحياة مع زوجها ليس ، كما توقعت أن تكون الحياة الزوجية التي حلمت بها انفصلت عن زوجها على أمل أن تعيش حياة طبيعية مع أطفالها بدون عذاب والدهم لها ولكن كانت غلطة الزوجة هي إعطاء الزوج فرصة أخرى على أمل أن يتغير ، ويصبح شخص أفضل ولكن أوصلها لأبواب محكمة الأسرة بدل أن يصونها مثلما توقعت.
قصص محكمة الأسرة.. الحياة مع جوزي كانت صعبة ولا تحتمل
قالت «صفاء» في بداية حديثها: «أنا اتجوزت من 2014 خلفت من جوزي ولدين وبنت، كان جواز قرايب أنا وهو كنا قرايب من بعيد الحياة الأول كانت كويسة ومفيش مشاكل بس بعد الجواز الحياة معاه كانت صعبة جدا ومحدش يقدر يتحملها كان عصبي جدا وبيغلط كتير ويشتم كتير».
حكايات محكمة الأسرة.. اتطلقت من جوزي عشان ألحق نفسي
تابعت «صفاء» حديثها قائلة: «بعد كام سنة جواز قررت إني مش قادرة أكمل معاه وأفضل مراته سيبت البيت وطلبت الطلاق عشان ألحق نفسي عيالي من بني أدم زيه، وكنت مقررة إني مرجعلوش تاني، وهو كمان اتجوز أول ما اتطلقنا كأنه ماصدق إنه يخلص مننا».
دعاوي محكمة الأسرة.. رجعت لجوزي بعد اللي حصل معاه من مراته التانية
أضافت الزوجة: «اللي اتجوزها بعد ما سيبته عرفت عليه واحد وحصل مشاكل كتير بسبب اللي مراته كانت تعرفه عليه، خلف منها ولد وهي خدته منه وقتها أهلي قالولي كفاية اللي فيه وحصله ارجعيله وربي عيالك وسط أبوهم وأمهم ».
قضايا محكمة الأسرة.. بيعذب ولادي ومش راضي يطلق
أنهت «صفاء» حديثها قائلة: «لما رجعتله بقى أسوء من الأول بقى ضرب وإهانة وبهدلة وتهديد طول الوقت ليا أنا والعيال، ابني جسمه لسه معلم بسبب التعذيب، لما لقيته المرة دي هيضيع ولادي خدت حاجتي وأولادي ومشيت وطلبت الطلاق وهو مش راضي يطلق فاكر انها زي كل خناقة وهنرجع تاني بس انا مقدرش ارجعله وانا دلوقتي رافعة عليه خلع».
تابع أحدث الأخبار عبر
