أخبار محكمة الأسرة اليوم
محكمة الأسرة .. حاتم بدعوى رؤية: حرماني من ابني عشان مش راضي أرجعها
توجه «حاتم» لمحكمة الأسرة حتى يحاول أن يحصل على حقه في رؤية ابنه الذي منعته عنه زوجته واستغلت حدوث أول خلاف بينهما، وتوجهت لمحكمة الأسرة حتى ترفع كل الدعاوي الممكنة على زوجها حتى تدمر حياته وتتركه لا يملك أي أموال فقط لتنتقم منه.
وبعد محاولات في إصلاح علاقته بزوجته وبائت كل محاولاته بالفشل فقد الزوج الأمل في عودة أسرته من جديد، وأصبح أمله الوحيد أن يستطيع يربي أولاده ويعطيهم حياة مستقرة، لكن عادت الزوجة بعد فوات الأوان نادمة على ما فعلته مع زوجها لكن الزج قد وصل لمحكمة الأسرة ليصلح ما قد دمرته زوجت ولا يريد الرجوع مرة أخرى.
قصص محكمة الأسرة .. مراتي كانت كويسة في الأول ومفيش منها مشاكل
قال «حاتم» في بداية حديثه: «أنا اتجوزت جواز صالونات من 5 سنين وخلفت ولد، الحياة بيني أنا ومراتي كانت كويسة وطبيعية ومفيش مشاكل هي كانت طيبة ومريحاني في الأول ومبنتاخنقش ولو حتى خلافات كانت بتبقى بسيطة وبتتحل على طول».
حكايات محكمة الأسرة .. غضبت وخدت ابني بسبب مشكلة تافهة
تابع «حاتم» حديثه قائلا: «أنا اللي كنت بشتغل وبصرف وهي قاعدة في البيت بتربي الولد وكنت مكفي البيت وكان فيه تفاهم بينا ومفيش مشاكل، لحد في مرة حصل بينا مشكلة كبيرة كانت بسبب المصاريف، كانت مشكلة متستاهلش بس الموضوع كبر وأنا عندت وهي عندت لحد ما المشكلة كبرت وهي خدت الولد وغضبت راحت عند أهلها».
دعاوي محكمة الأسرة.. رفضت أرجع لمراتي
أضاف الزوج لكلامه: «لحد بعد فترة قليلة أوي بعد ما مشيت لقيتها رفعت عليا كل أنواع القضايا اللي بتترفع في محكمة الأسرة، نفقات ليها وللولد وتمكين وكل حاجة، مفهمتش هي عملت كده ليه، خلصت كل حاجه مع أهلها ادتها عفش الشقه كله وذهبها كله بزيادة وكل حقوقها بس متطلقناش، لحد ما هي كلمتني من قريب وقالت لي عايزة نرجع لبعض وأنا اللي رفضت أنا مبقتش قابلها خالص وقرفان منها عشان دخلتنى المحكمة».
قضايا محكمة الأسرة.. مش مخلياني أشوف ابني
أنهى «حاتم» حديثه قائلًا: «لما رفضت إني أردها بطلت تخليني أشوف ابني خالص، وأنا كنت بدفع النفقة بانتظام، جيت المحكمة عشان أرفع قضية رؤية وأقدر أشوف ابني».
تابع أحدث الأخبار عبر
