محكمة الأسرة اليوم
قصص محكمة الأسرة .. عزة في دعوى طلاق: ضربني عشان روحت للكوافير
دعوى طلاق في محكمة الأسرة كانت الأمل الأخير لـ “عزة” حتى تتخلص من حياتها التي لا يعتريها إلا المعاناة، فهي تعيش مع زوج يتعمد الضرب في التعامل معها على أتفه الأسباب، وكان سبب ضربها في المرة الأخيرة هي ذهابها للكوافير، لم تتحمل “عزة” أن تكمل في حياتها بهذا الشكل ما جعلها تقصد محكمة الأسرة من أجل رفع دعوى طلاق.
حكايات محكمة الأسرة.. مطلع عيني من أول الجواز
أكدت “عزة” على أنها تعاني من بداية زواجها ولكنها كانت تأمل أن تتغير حياتها في يوم من الأيام لكن كانت تزداد في السوء كل يوم، تابعت: "عصبي وخلقه في مناخيره طول الوقت وعلى طول يتخانق على الصغيرة والكبيرة، كنت بعديها وبصبر وأقول يمكن يتغير ولازم اصبر عشان خاطر العيال بس مفيش فايدة فيه خالص"
قصص محكمة الأسرة.. ضربني عشان رحت للكوافير
بدأت المشكلات تتفاقم يومًا بعد يوم بسبب تلكيكات الزوج اللانهائية لافتعال المشكلات، تغاضت عزة كثيرًا عن أسلوب زوجها ولكن الأمور بدأت تتعقد، تستكمل باقي رواياتها وتقول: "بقالي معاه فوق الحداشر سنة وهو على الحال دا وكل مشكلة أعديها وأقول معلش لازم اصبر عشان خاطر العيال بس خلاص جبت اخري"، تابعت عزة قائلة: "بيتخانق معايا على الصغيرة والكبيرة وأخر مرة العيد اللي فات، رحت للكوافير يوم الوقفة عشان اظبط نفسي رجعت وأول ما شافني ضربني لحد ما كنت هموت في إيده".
قضايا محكمة الأسرة.. عزة في دعوى طلاق
قررت عزة التوجه إلى محكمة الأسرة ورفع دعوى طلاق بعد ما فقدت الأمل في زوجها، أنهت حكاياتها قائلة: "خلاص جبت أخري معاه ومبقتش قادرة استحمل طريقته معايا اكتر من كدا، قبل ما ارفع عليه قضية الطلاق طلبت منه يطلقني بالزوق وكل واحد فينا يروح لحاله بس هو رفض وقالي مش هطلق واللي عندك اعمليه".
تابع أحدث الأخبار عبر
