أخبار محكمة الأسرة اليوم
محكمة الأسرة .. جميلة: مقدرش ينسى الحب القديم راميني وماشي معاها
وصلت جميلة لأبواب محكمة الأسرة وهي تحمل الألم والحسرة على ما عاشته مع زوجها الذي خانها ولم يستطع أن ينسى حبه القديم، منذ زواج جميلة كانت تعلم أن زوجها كان على علاقة بسيدة أخرى قبل زواجهما، لكنها ظنت أن زوجها اكتفى بها، فكانت صدمتها كبيرة عندما اكتشفت أن زوجها مازال على علاقة بحبه القديم، واضطرت الزوجة بعد ما حدث معها وخسارتها لثقتها في نفسها أن تتوجه لمحكمة الأسرة حتى تحصل على حقوقها من زوجها الذي نساها هي وابنهم تجاهلهم كأنهم لم يكونوا أسرته في يوم من الأيام.
قصص محكمة الأسرة.. كنت فاكرة إن جوزي ساب حبيبته القديمة
قالت «جميلة» في بداية حديثها: «أنا اتجوزت سنة 2020 وسيبت جوزي سنة 2023 وكان جواز صالونات، مكنتش أعرف جوزي قبل الجواز كويس، بس عرفت أنه كان يعرف واحدة قبلي بقاله سنين كتيرة ولما اتقدملي كان خلاص سابها وكنت فاكرة إنها خلاص مبقتش في باله ولا هيرجعلها تاني».
دعاوي محكمة الأسرة.. بيسيبني في البلد ويجي يعد هنا براحته
أكملت الزوجة حديثها: «الحياة في الأول مع جوزي كانت عادية، خلفنا ولد واحد وكان عنده مشاكل صحية كتير، مكنش فيه مشاكل مع جوزي، بس كان على طول بيغيب عليا وبيسبني قاعدة في البلد وهو كان بيعد في القاهرة وكنت فاكراه قاعد لوحده بس كنت غلطانة، لحد ما اكتشفت أن حبيبته القديمة رجعت حياته تاني لما لقيتها بتيجي عند البيت وتسلم عليا وهو بيعرفني عليها».
قضايا محكمة الأسرة.. شفت جوزي مع واحدة في البيت
تابعت «جميلة» كلامها: «كنت حاسة إنه بيخوني معاها بس مكنش عندي دليل وحاولت كتير إني أكبر دماغي ومعملش مشاكل، بس كل مادي كنت بتأكد إنه لسه معاها، لحد في مرة جيت البيت بتاعي في القاهرة شفته بعيني كان جايبها في البيت كنت عارفة أنه بيخوني بس دي كانت أول مرة أشوفه طلعت طول الفترة دي أنا كنت قاعدة في البلد وهو ماشي معاها هنا، من وقتها سيبته ومرجعتلوش تاني، ورفعت عليه قضية نفقة عشان أعرف أخد حقي وحق ابني منه أنا خلاص مش عايزاه تاني».
تابع أحدث الأخبار عبر
