أخبار محكمة الأسرة اليوم 25 - 1 - 2024
محكمة الأسرة.. مها: مدمن وبيسرقني وبيعذب بنتنا بالحرق لحد ما جابلها صدمة
وقفت «مها» على أبواب محكمة الأسرة وهي تحمل الحسرة والألم على ما شهدته في حياتها الزوجية، فبدل أن يكون زوجها خير الزوج والأب الذي من المفترض أن يرعاها ويحميها كان مدمن للمخدرات وعندما يحتاج لأموال يسرقها.
قصص محكمة الأسرة.. حياة طبيعية ومفيش مشاكل
حاولت «مها» أن تتجاهل حقيقة زوجها على أمل ان ينصلح حاله ويعود لطبيعته وتعيش حياة طبيعية من جديد لكن حقيقته انكشفت وجعلت الحياة معه مستحيلة حتى أجبر زوجته أن تتوجه لمحكمة الأسرة حتى تحصل على حقوقها منه.
قالت «مها» في بداية حديثها: «أنا اتجوزت من 9 سنين الحياة كانت طبيعية جدا وجوزي كان راجل محترم بيصرف عليا أنا وبنتي ومش مخلينا محتاجين حاجة، أنا كنت عرفته عن طريق معارف اتقدملي وكان مناسب ومكنش يبان عليه إنه ممكن يعمل كل اللي عملوا فيا ده».
حكايات محكمة الأسرة.. شكيت إن جوزي مدمن مخدرات
تابعت «مها»: «في فترة جوزي بدا يبان عليه انه متغير على طول متعصب ومش طايق حد يكلمه، حاولت كتير أكلمه وأشوف ماله لكن موصلتش لحاجة، بعد فترة لقيت إن فلوس بتنقص من معايا، حسيت إن فيه حاجة غلط بعدين شكيت إنه ممكن يكون مدمن بس كذبت نفسي وقلت جوزي راجل محترم ميعملش كده».
دعاوي محكمة الأسرة.. كذبت بنتي لما قالت أبوها بيعذبها
أكملت الزوجة حديثها:« بنتي كانت بتقولي إن بابا ضربنى بابا حرقني بشمعة، مصدقتش وقتها برضو إن ممكن يعذب بنته ده بيحبها جدا ايه هيخليه يعمل كدة، لحد كل مادى الوضع كان بيبقى أسوء وخلاص بقى واضح أنه مدمن وبيسرقني عشان يجيب فلوس للمخدرات، اليوم اللي قررت اخد الخطوة واسيبه كان نفس اليوم اللى بنتي اتحرقت فيه فى مكان حساس و طبعا كان بسبب أبوها اللى مش واعي لنفسه نهائي ولا لتصرفاته».
قضايا محكمة الأسرة.. بحاول أعالج بنتي من الصدمة
أنهت «مها» حديثها: « دلوقتي سايباه من سنتين، رفعت خلع لأنه غير أمين عليا و لا على بنتي اللي طلعت بيها من الدنيا ودلوقتي بدأت رحلتي في علاج بنتي ودعمها النفسي وترميم حياتها مرة تانية عشان ترجع زي الأول تاني وأقدر أعوضها عن اللي شافته مع ابوها».
تابع أحدث الأخبار عبر
