أخبار محكمة الأسرة
محكمة الأسرة.. وفاء: اتجوز عليا بعد ما اتحملت ظروفه
كانت «وفاء» في محكمة الأسرة تحاول أن تبحث عن حقوقها بعدما تزوج عليها زوجها وتركها دون سؤال، عاشت «وفاء» مع زوجها لسنين عديدة وتحملت خلافاتها معه وظروفه الصعبة عدم صرف أي أموال عليها أو على أبنائها حتى اضطرت أن تعمل هي حتى تكفي احتياجاتها هي وأبنائها، وبعد تحملها له ما وجدته في المقابل هو الغدر والخيانة منه وتزوجه من سيدة أخرى وأوصلتها أفعاله لمحكمة الأسرة تبحث عن حقوقها وحلول لما عاشته في حياتها مع زوجها.
قصص محكمة الأسرة.. مشاكل مع جوزي من زمان
قالت «وفاء» في بداية حديثها: «أنا اتجوزت من 2013، خلفت من جوزي ولد وبنت كان جواز تقليدي، اتقدملي ووافقت عليه اتجوزنا والدنيا كانت عادية ومفيش مشاكل في أول كام شهر بس، بعد كدة المشاكل كل مادى كانت بتزيد حاولت معاه كتير إنه يتعدل مفيش فايدة».
دعاوي محكمة الأسرة.. نزلت اشتغل عشان أكفي البيت
أكملت الزوجة حديثها: «المشاكل مع جوزي كان دايما بيشك فيا حتى لو وقفت اجيب حاجة من محل يفتكر أن في حاجة بيني وبين صاحب المحل، فضلنا على الحال ده لسنين ومفيش حاجة اتغيرت، وكان مبيصرفش غير على القد وقليل أوي واضطريت اني انزل اشتغل عشان أكفي البيت وكنت بتحمله وأقول ظروفه وهيعمل ايه».
قضايا محكمة الأسرة.. مبيسألش فينا ومع مراته التانية
تابعت «وفاء»: «اتحملته عشان مخربش البيت وعيالي يتبهدلوا، من سنة تقريبا لاحظت عليه أنه اتغير وبقى بيتأخر بره البيت كتير، لحد ما لقيت رسائل على تليفونه ، وعرفت منها أنه اتجوز عليا عرفي، الأول انكر لكن لما واجهته قالي أه أنا اتجوزت واعملي اللي عندك، حاولت اتأقلم مع الوضع لكن في الأخر مقدرتش بقى مبيسألش خالص ومع مراته على طول».
حكايات محكمة الأسرة.. سيبته لأن زيه زي قلته
أنهت «وفاء» حديثها وقالت: «لما لقيت الوضع كدة ومبيتغيرش وأن خلاص زيه زي قلته سيبته ومقدرتش أكمل معاه كان بعدة فترة صغيرة لما عرفت إنه اتجوز، رفعت طلاق للضرر والسبب زواج من أخرى وعدم معاشرة ومبيصرفش، هو حتى مبيسألش فينا ولا فكر يرجعني من ساعة ما مشيت ومقضيها مع مراته التانية».
تابع أحدث الأخبار عبر
