أخبار محكمة الأسرة
محكمة الأسرة.. إسراء: اديته الأمان خطف ابني في الرؤية وحرق قلبي عليه
توجهت «إسراء» لأبواب محكمة الأسرة وهي تحمل الأسى والقهر على ما واجهته في حياتها والحسرة والألم على فقدانها لأبنها الذي اعتبرته هو أملها في الحياة بعد ما خسرته في حياتها مع زوجها الذي عاشت معه سنين ملأها الظلم والقهر، وظنت أنها عندما تبتعد عنه سترتاح من شروره ولكنها كانت مخطئة فخطف الزوج أبنه من أحضان أمه حتى يعاقب الأم على محاولتها في التخلص من الحياة معه، وتوجهت لمحكمة الأسرة حتى تستطيع أن تطفئ نار الاشتياق لأبنها الذي حرمها زوجها منه.
خطف ابني في الرؤية
قصص محكمة الأسرة.. كنت فاكرة مشاكلنا هتتحل بعد الجواز
قالت «إسراء» في بداية حديثها: «أنا اتجوزت من 2016 و معايا ولد واحد بس، كان في اختلافات بينا في فترة الخطوبة لكن قلت لما نتجوز المشاكل هتتحل والدنيا هتكون كويسة لكن كنت غلطانة المشاكل زادت بعد الجواز قلت يمكن بعد الخلفة ربنا يهديه لكن المشاكل كل مادى كانت بتزيد أكتر وأكتر».
دعاوي محكمة الأسرة.. بغضب بالشهور عند أمي
أكملت الزوجة حديثها: « في مشاكل كتير من زمان معاه، المشاكل في الأول كانت إنه عصبي جدا ومبيتحملش كلمة إلا لما يعمل عليها مشكلة كنت بتحمل وأقول مش مشكلة وامشي الدنيا، بعد الخلفة بقي أسوء ومش عايز يصرف خالص، كنت بغضب عند أهلي كتير وبسيب البيت، كل مرة يقولي هيتعدل ومفيش فايدة كنت بعد ما ارجع بشهر تحصل مشكلة تاني واغضب تاني وأقعد بالشهور عند أمي».
قضايا محكمة الأسرة.. مش راضي يديني النفقة لأبني
تابعت «إسراء»: «لحد ما تعبت من الحياة معاه وسايباه من سنة ونص، بسبب أخر مرة كنت غضبانة ورجعت حصل بينا مشكلة ومسكني ضربني وكانت أول مرة يضربني قررت أسيبه ومرجعش تاني، خدت ابني ورحت عند أهلي من ساعتها مسألش فينا ولا صرف عليه جنية ولا حاول يرجعني حتى، رفعت عليه قضية خلع وكسبتها، ورفعت نفقة لأبني لأنه مش راضي يديني النفقة».
حكايات محكمة الأسرة.. خطف ابني في الرؤية
أنهت «إسراء» حديثها وقالت: «رفع عليا قضية رؤية مع إني مرفضتش إنه يشوف الولد، ومع ذلك كنت بوديه الرؤية عشان الولد يشوف ابوه، جه مرة في الرؤية هو واخوه وكان أول مرة يجيبه معاه استغربت بس سكت ومقلتش حاجة، بعد شوية لقيته بيكتم نفسي واخوه بيكتم نفس ابني وخده وجري وخطفوا مني ومن ساعتها مشفتوش تاني ورفعت قضية حضانة عشان أقدر أخد ابني تاني».
تابع أحدث الأخبار عبر
