مريم في دعوى خلع: «متجوزني عشان ينسى بنت عمه اللي كان بيحبها »
في بعض الأحيان يكون الخلع هو الحل المثالي لتتخلص الزوجة من حياة تعيسة أوقعها الحظ فيها مع زوج يكون السبب في خراب عش الزوجية ، لذا لجأت مريم لقضية الخلع بعد ما اكتشفت أنه تزوجها حتى ينسى بنت عمه التي أراد الزواج منها ولكنها رفضت، ما جعل الزوجة ترفض هذه الفكرة وتقرر قصد باب القضاء لرفع دعوى خلع.
كان حاجة تانية قبل الجواز
"متجوزني عشان ينسى بنت عمه اللي كان بيحبها وعايز يتجوزها بس هما موافقوش عليه، عشان كدا خدني عندهم فيهم مش أكتر واكتشفت دا بعد سنة ونص من الجواز بعد ما طلع عيني ووراني الويل" هذه هي الكلمات الأولى في قصة مريم الذي انتهى بها المطاف بعد سنة ونص من الزواج أمام محكمة الاسرة، تتابع قائلة: "قبل الجواز كا حاجة تانية خالص وأهلي كلهم كانوا بيحبوه وشايفين مفيش أحسن منه خالص، وهو بصراحة كان كويس معايا جدًا طول فترة الخطوبة ومشوفتش منه حاجة وحشة خالص، معرفش إيه اللي حصله بعد الجواز".
متجوزني عشان ينسى بنت عمه
تحولت طريقته وأسلوبه معها بعد الزواج مباشرة ولكنها لم تعرف السبب وراء تغيره، لقت معاملة همجية وضرب منه على أصغر التصرفات ما جعل المشكلات تنشب من أول شهر في الزواج، أضافت مريم: "اتحول بعد الجواز، وبقى واحد تاني على طول ضرب وشتيمة على أي حاجة على طول مشاكل وكل شوية اسيب البيت وأغضب عن بيت أهلي وكل دا من أول شهر في الجواز بس، كنت مستغرباه ومش فاهمة إيه السبب إنه يعاملني كد أصلا".
تستكمل قصتها: "سبت البيت وبقينا نتخانق كتير بسبب أسلوبه دا بس هو مبيتغيرش، اللي زود المشاكل بقا إني عرفت إنه متجوزني عشان ينسى بنت عمه اللي كان بيحبها وعايز يتجوزها، عشان كدا اتجوزني عند فيه عيلته"، وبعد مشكلات وخلافات عديدة بينهما اكتشفت أنه تزوجها فقط لمجرد أن ينسى حب عمره، لم تتحمل مريم فكرة أنها مجرد وسيلة لينسى به حب حياته التي رفضت الزواج منه، ما جعلها تتوجه نحو محكمة الاسرة لرفع دعوى خلع.
تابع أحدث الأخبار عبر
