أخبار محكمة الأسرة
محكمة الأسرة.. عايدة: ضربني وكسرلي سناني عشان اعترف بالزنا
كانت محكمة الأسرة هي نهاية «عايدة» بعد ما عاشت 15 سنة من الألم مع زوج قاسي كانت كل حياتها معه يملأها القسوة والألم، وبعد تحملها لكل خلافاتها مع زوجها حتى لا تخرب بيتها كان الغدر هو مقابل صبرها، اتهم الزوج زوجته بالخيانة ظلم وافتراء وعذب زوجته حتى تعترف بجريمة لم ترتكبها وأوصلها بقسوته لمحكمة الأسرة لتبحث عن حقوقها.
قصص محكمة الأسرة.. 15 سنة عايشة في بهدلة
قالت «عايدة»: «أنا اتجوزت من 15 سنة ومعايا من جوزي 3 أولاد، كان في خلافات كتير من ساعة ما اتجوزنا وكل مادى كانت بتزبد ومبتقلش خالص، كان في طول الوقت مشاكل بسبب ومن غير سبب طول حياتي معاه بهدلة وإهانة».
دعاوي محكمة الأسرة.. اتحملته عشان مليش مكان أروحه
تابعت الزوجة: «احنا سافرنا برة مصر من زمان لما جت لجوزي فرصة شغل بره مصر سافرت معاه أنا والولاد وكنا بننزل مصر في الاجازات وكان لما يحب يعاقبني كان مينزلنيش مصر اشوف أهلي، تعبت منه طول حياتي معاه بسبب استحملته عشان خاطر ولادي ميتبهدلوش».
قضايا محكمة الأسرة.. جوزي رفع عليا قضيو زنا ظلم
أكملت «عايدة»: «لحد ما عرفت إن جوزي رفع عليا قضية زنا، بسبب الخلافات الكتيرة اللي بينا، اتهمني مع واحد معرفة كان مدرس أولادي اللي بيديهم درس في البيت اتهمني اني على علاقة بيه وهو عارف إنه محصلش حاجة بينا، ضربني وكسرلي سناني وخد اعترافات مني بالعافية بحجات انا معملتهاش».
حكايات محكمة الأسرة.. طلقني أول ما نزلت مصر
تابعت «عايدة» باكية وقالت: «خلاني قلت حجات معملتهاش وصورني وقدمها للمحكمة وكسب القضية وخد عليا حكم بالزنا بس القضية سقطت لأن عدى عليها فترة 3 سنين وانا كنت برة مصر معاه طول الفترة دي عايشة في نفس الإهانة والبهدلة، لحد ما هربت منه ورجعت مصر، وأول مانزلت مصر طلقني».
حكاوي محكمة الأسرة.. مش عايزة اسمع اسمه تاني
أنهت «عايدة» حديثها قائلة: «من ساعة ما رجعت مصر وانا مش عايزة أسمع اسمه ولا اشوفه تاني، جيت المحكمة عشان أرفع عليه قضية نفقة عشان خاطر ولادي اللي مبيسألش فيهم »
تابع أحدث الأخبار عبر
