أخبار محكمة الأسرة
محكمة الأسرة ..سهام بدعوى طلاق للضرر: سابني وراح عند أمه بقاله سنتين
في النهاية كانت محكمة الأسرة هي الحل المثالي لتتخلص سهام من حياتها الزوجية مع رجل سئمت من تكرار طلبها لمصروفات المنزل وكانت نتيجة صبرها في النهاية أنه تركها منذ سنتان وذهب لوالدته لتكتشف بعد سنتان أنه تزوج عليها منذ 7 شهور، قررت قصد محكمة الأسرة ورفع دعوى طلق للضرر لتأخذ حقوقها بالكامل.
أخبار محكمة الأسرة .. سابني وراح عند امه
"سابني وراح عند أمه بقاله سنتين بسبب إنه مش راضي يصرف عليا أنا والعيال ، وكل ما أطلب منه فلوس يقول لي مش معايا"، بهذه الكلمات بدأت سهام حديثها لقاضي محكمة الأسرة ، وسبب رغبتها في رفع دعوى طلاق للضرر مؤكدة أن حياتها كانت مثالية بكل المقاييس لمدة 9 سنوات بالكامل ، ولكن فجأة تغير الزوج ولم يريد الإنفاق عليها هي والأولاد كما جعل المشكلات تتفاقم بينهما يوم بعد يوم حتى قرر الزوج الذهاب لوالدته".
حكايات محكمة الأسرة .. نزلت شغل عشان اعرف اصرف على العيال
لم تعرف سهام سبب تغير الزوج معها بهذه الطريقة وبعد تفاقم الخلافات والمشكلات ترك الزوج المنزل ولم يريد العودة مرة أخرى، تابعت: "كل يوم خنقات على المصاريف اللي مش راضي يصرفها وعمال يقول لي مش معايا فلوس وأنا عارفة أن معاه فلوس يصرف علينا كويس أنا والعيال بس هو اللي مش راضي"، أضافت: "ساب البيت بقالة سنتين وراح عند امه ومش راضي يرجع، سبته براحته لحد ما بقاله سنتين ومش راضي يرجع للبيت تاني، نزلت شغل عشان أعرف أصرف عليهم وهو ولا فارق معاه أي حاجة".
قصص محكمة الأسرة .. اتفاجئت إنه اتجوز
تلقت سهام المفاجأة الكبرى منذ 7 شهور الذي جعلتها تلجأ إلى محكمة الأسرة لتقييم دعوى طلاق للضرر، تستكمل باقي تفاصيل قصتها وتقول: "كلمته كتير عشان يرجع للبيت والعيال بس هو مش راضي خالص، سبته وقلت شوية ويرجع بس مرجعش وخدت الصدمة الكبيرة إنه اتجوز مع إن كان بيقولى علطول إنه مش معاه فلوس يصرف عليا أنا والعيال، مش فاهمة إزاي مش معاه فلوس يصرف علينا ومعاه فلوس يتجوز، رفت عليه قضية في المحكمة عشان اخد كل حقوقي منه وحقوق عيالي"، عزمت الزوجة على الانفصال ورفع دعوى طلاق للضرر منذ شهرين في محكمة الأسرة وتحمل الدعوى رقم 69 ولا تزال منظورة في المحكمة حتى الآن.
تابع أحدث الأخبار عبر
