أخبار محكمة الأسرة
جبروت امرأة.. عادل: خدت كل حقوقها وحرماني من ابني وكمان عايزه تحبسني
أمام محكمة الأسرة على عكس المعتاد وهو تواجد السيدات التي تبحث عن حقوقها، تواجد رجل أوصله ظلم زوجته له لأبواب محكمة الأسرة وكانت هذه النهاية التي لم يتوقع أن تكون شكل نهاية حياته الزوجية، لم يستمر زواج «عادل» لمدة طويلة فكانت المشاكل بينه وبين زوجته كفاية أن تنهى زواجهم، ومن وقت انفصالهم زادت الخلافات بينهم حتى وصلت لطريق مسدود.
قصص محكمة الأسرة
قالت «عادل» في بداية حديثه: «أنا اتجوزت سنتين بس كنا جواز صالونات اتعرفنا على بعض عن طريق ناس معارف، الحياة في الأول كانت طبيعية ومفيش مشاكل لكن محصلش نصيب أننا نكمل سوا واطلقنا حاولت كتير إني أحل المشاكل ونعيش حياة طبيعية عشان خاطر ابني، بس الخلافات كل مادى بتزيد مبقاش فيه أمل إننا ينفع نكمل سوا اضطريت أطلقها».
حكايات محكمة الأسرة
أكمل «عادل» حديثه: «من ساعة الطلاق والمشاكل كانت بتزيد مبتقلش، لما طلقتها خدت العفش كله قدام الناس كلها، وبعددها هددتني وقالتلى أنا استلمت العفش بس مستلمتش الدهب، وده محصلش هي خدت كل حاجة وهي ماشية كل حاجتها الشخصية ودهبها وأنا مخدتش أي حاجة من العفش، الدهب بربع مليون وطلبت مني يا الدهب يا أديها فلوسه مكانه».
دعاوي محكمة الأسرة
لم يكفي طليقة «عادل» المشاكل التي أوقعته فيها وادعائها عليه بالباطل لكن توجهت لمحكمة الأسرة حتى ترفع دعاوي عليه حتى تدمر حياته.
أضاف «عادل»: «رفعت عليا قضايا نفقة وبعدين رفعت زيادة نفقة، وأنا معرفش وأساسا مكنش عندي مشكلة أصرف على ابني وكنت بصرف عليه وبجيبله أي حاجة يطلبها لكن طبعا ده مش كفاية ليها وعايزة تخرب بيتي.»
قضايا محكمة الأسرة
أنهى «عادل» كلامه قائلا: «حياتي كلها بقت مشاكل بسببها، عايزة فلوس الدهب وأنا مش معايا ربع المبلغ اللي هي عايزاه ده، وغير كل ده فيه القضايا اللي هي رافعاها عشان تحبسني ده غير طبعًا أنها مش مخلياني أشوف ابني ولا أقعد معاه حاولت معاها كتير أننا نحل ودي لكن مفيش فايدة معاها. أنا مش عايز منها حاجة غير إنها تسيبني في حالي وتسيبني أربي ابني واشوفه، وجيت المحكمة عشان قضايا النفقة»
تابع أحدث الأخبار عبر
