أشرف: "مراتي وابن خالها عاملين رباطية ورفعوا عليا قضية"
قفص ذهبي هادئ مع زوج يرعى الله في زوجته وأولاده لمدة 9 سنوات، ولكن قررت الزوجة هدم سعادتهما الذي كانت محط أنظار للجميع منذ ولادتها، فكان الزوج في سفر تبع العمل وتحمل أهلها مصاريف الولادة، وكانت المفاجأة عندما عاد من السفر ووجد أن هي وابن خالتها نصبوا له فخ.
متغيرة معايا من ساعة ما سافرت
"كنت مراعي ربنا فيها هي والأولاد، وكانت حياتنا زي الفل، والكل بيحسدنا عليها، بس من ساعة ما أنا سافرت من هنا معرفش إيه اللي حصل من هنا"، هذه الكلمات الذي بدأ بها أشرف حديثه وهو يروي لـ "الحادثة" قصته بالتفصيل مع زوجته، وتابع: "حياتنا كانت مظبوطة وهي كانت حامل في الطفل التالت لينا، بس أنا جالي سفر تبع الشغل وسافرت وهي كانت حامل في الشهور الأخيرة، وولدت وأنا لسه مسافر"، وأضاف: "طول فترة السفر وهي متغيرة معايا، كل ما اجي أكلمها في التليفون تكلمني بطريقة زي الزفت وأنا مش فاهم ليه، وكل ما اجي أكلمها تقول لي مفيش حاجة، فضلت كدا حتى بعد ما رجعت، وبقت متغيرة معايا في كل حاجة وهي مش راضية تتكلم خالص".
هي وابن خالها عاملين رباطية عليا
استكمل الزوج قصته: "ابن خالها كلمني رابع يوم لما رجعت من السفر وقال لي أنا دفعت مصاريف الولادة وعايز الفلوس اللي دفعتها، قلت له كام قال لي 7 آلاف جنيه، اديت له الـ 3 آلاف ونص اللي كانوا معايا، وقلت له اصبرعليا كام يوم آدي لك الباقي"، وتابع أشرف: "اتفاجئت إن مراتي رفعت عليا قضية مصاريف ولادة، استغربت وقلت لها أنا اديت لابن خالتك نص الفلوس، قالت لي لا مخدش حاجة، مبقتش فاهم حاجة وكلمته تاني قلت له مش أنا اديتك نص فلوس الولادة؟ قال لي لا مخدتش حاجة منك".
واختتم رواياته بهذه الكلمات: "لما لقيتهم هما الاتنين بيكدبوا ومراتي ماشية معاه وخلته يرفع عليا قضية والموضوع بالنسبة لها عادي، وكلت محامي وقلت أشوف بقى إيه اللي هيرسي في الموضوع، دا غير إنها سابت البيت وخدت العيال ومشيت وبتقول لي إنها عايزة تتطلق".
تابع أحدث الأخبار عبر
