أخبار محكمة الأسرة
حكايات محكمة الأسرة.. أحمد: معتبره العيال مصلحة ومنعاني أشوفهم
تشهد محكمة الأسرة كل يوم العديد من القضايا التي ترفعها الزوجات على أزواجهم، لكن لا يكون الرجال دائمًا الشخص على الخطأ، فمنهم العديد ممن يخشون خراب بيوتهم ويحاولون الإصلاح والتغاضي عن أخطاء زوجاتهم، مثل «أحمد» الرجل الذي طلق زوجته وخرب بيته وكانت هذه آخر نواياه لكن بسبب أفعال زوجته التي لا تحتمل كان هذا الحل المناسب.
قصص محكمة الأسرة
قال «أحمد» في بداية حديثه عن زواجه: «أنا اتعرفت على مراتي عن طريق ناس مشتركين بينا، اتجوزنا بعد الخطوبة بوقتٍ قليل، وخلفنا ولد وبنت، قبل ما نتجوز كانت متجوزة قبلي مرتين الأول مخلفتش منه التاني خلفت وكان معاها طفلين، لأني كنت بحبها اتجوزنا على طول وكنت بعامل ولادها زي ولادي وبصرف عليهم زي ولادي ومكنتش مخليها عايزة حاجة.»
حكايات محكمة الأسرة
أكمل «أحمد»: «اتغيرت بعد الجواز والخلفة بقى مفيش حاجة عجباها وعلى طول في مشاكل وعلى طول في خناقات، بتطلب مني فوق مقدرتي وأنا على قدي ومقدرش أكفي كل طلباتها، بقت بني ادمه صعبة والحياة معاها لا تطاق بس كنت بمشي الدنيا عشان خاطر العيال، لحد ما هي طلبت الطلاق وقتها وافقت على طول لأني كنت زهقت منها»
دعاوي محكمة الأسرة
تابع «أحمد»: «طلقتها ودي عند المأذون برتني واتنازلت عن كل حاجة، انفصلنا من 3 سنين، مكنش عندي مشكلة أصرف عليها وعلى العيال بس هي رفضت تمضي أنها تاخد النفقة ومردتش اديها حاجة غير لما تمضي، اختفت فترة ورجعت تاني رافعة عليا قضايا كتير جدا، رفعت قضيتين للنفقة عشان تاخد فلوس أكتر ومبهدلاني في المحاكم بقالها سنتين».
قضايا محكمة الأسرة
استمرت الزوجة في أفعالها التي كان كل هدفها أن تدمر حياة «أحمد» حتى بعد الطلاق. يضيف «أحمد»: «اكتشفت بعد كده أن جوزها التاني اللي خلفت منه رفعت عليه قضايا نفقة زيي وكانت مبهدلاه في المحاكم من ورايا وطلعت معتبرة العيال مصلحة بتطلع منها بفلوس، هي كانت حامل لما انفصلنا ودلوقتي الولاد معاها مش راضية تخليني أشوفهم، حاولت معاها بكل الطرق بس هي مش راضية بأي حل ودي عايزة تعمل مشاكل بس».
تابع أحدث الأخبار عبر
