أخبار محكمة الأسرة
محكمة الأسرة .. بسنت: أبويا خطفنا من أمي وهربنا منه الفجر
تواجدت في محكمة الأسرة فتاة لم تكمل العشرين من عمرها، ولا تتوقع أبدا أن فتاه مثلها ستتواجد في المحكمة لكن الظروف اضطرتها أن تصل لهذه النهاية، بسبب ابيها الذي انعدمت الرحمة من قلبه، عليها وعلى أمها واخواتها.
قصص محكمة الأسرة
قالت «بسنت» الفتاة التي كانت ضحية ظلم والدها لها: «أبويا وأمي اتجوزوا من 19 سنة وانا أكبر أخواتي عندي 18 سنة، على طول كان في مشاكل بينهم، كان بيضربني أنا وأمي واخواتي وبيبهدلنا بسبب ومن غير سبب، لحد ما حصلت في مرة مشكلة كبيرة بين أبويا وأمي، ساعتها أبويا خدنا وحبسنا في شقة بره، كان بيسبنا بالأيام من غير أكل أو شرب، ومكنتش عارفة أكلم أمي تلحقنا وكل لما نقوله عايزين نرجع يضربنا»
حكايات محكمة الأسرة
أضافت «بسنت» والدموع تنهمر من عينيها: «فضلنا معاه سنتين عايشين في عذاب، لحد في يوم خدت اخواتي والفجر بيأذن وهربت من البيت، مكنش يعرف اننا هربنا كان في اوضته ونايم لما مشيت كل هدومنا وحاجتنا كانت معاه، خدت اخواتي بليل بالهدوم اللي عليا وهربت الساعة 4 الصبح، كان واخدنا في مكان مقطوع أنا نزلت لقيت في وشي شباب سكرانين، والمكان فاضي مفيش أي حد وكنت نازلة بهدوم البيت وحافيين وكنت هموت من الخوف.»
عجائب محكمة الاسرة
أكملت «بسنت» كلامها وبان تأثرها من الذكرى المؤلمة: «فضلت واقفة ساعتين في الشارع لحد ما لقيت حد داخل الشارع اتحايلت عليه يديني تليفونه أتكلم منه اتصلت بماما، وهي قالت للراجل الغريب ركبهم أي حاجة وهديك اللي انت عايزه ومتعملش فيهم حاجة ساعتها رحنا عند أهل ماما ومن ساعتها واحنا عندها.»
قضايا محكمة الأسرة
تابعت «بسنت» والدموع في عينيها: «بابا لما عرف اننا هربنا كلم خالي وقاله لو شافني هيموتني ومن ساعتها وأنا مستخبية منه وماما خافت عليا يعمل فيا حاجة، راحت المدرسة وحكت المشكلة وكنت بنزل على الامتحانات بس وماما بتوصلني وتوديني بروح على الامتحان بس، ومن ساعتها مبيصرفش عليا أنا واخواتي وماما متقدرش تكفي مصاريفنا وجت ترفع قضية نفقة عليه.»
