سحر في محكمة الأسرة: 11 سنة جواز عيشت نصهم عند أهلي
تزوجت «سحر» من حب حياتها وكانت تأمل ان تكمل حياتها معه وتحقق حلم الحياة الوردية مع من اختارته أن يكون شريك لحياتها ولم تتوقع أبدا أن تكون نهايتها في محكمة الأسرة.
كان أمل «سحر» في الحياة بسيط أن تتزوج وتنشئ أسرة وتربي أولادها تربية حسنة، لكن كان أول أخطائها عندما تزوجت أنها سكنت في بيت العائلة الذي تدخلوا في كل تفاصيل حياتها هي وزوجها، وفوق تدخلات الأهل كان الزوج لا يقدر الزوجة أبدا، وفي سنين زواجهم عاشت نصفهم مع أهلها بسبب المشاكل العديدة بينها وبين زوجها، حتى بعد انفصالهم لم تستطيع الزوجة أن ترفع دعوى نفقة حتى تحصل على حقوقها.
زواج أقارب
قالت سحر: «أنا متجوزة من 13 سنة خلفت من جوزي ولدين اعدين معايا من ساعة ما انفصلت عن والدهم والطلاق حصل بينا من قريب، أنا وجوزي كنا قرايب من بعيد وده اللي خلاني أوافق عليه على طول لما اتقدملي، وده غاطي الأول كان المفروض أسأل عليه أكتر من كدة.»
خلافات بين الزوجين
تابعت سحر: «من ساعة ما اتجوزنا والمشاكل بينا كتير، كان مبيصرفش خالص ولو بيصرف بيبقى قليل جدا، فلوسه على طول كان مخليها لنفسه ولأهله وأنا وعيالي الباقس بس، المشاكل مع الوقت بتكتر كنت بغضب كتير واروح عند أهلي وهوكان بيصالحني ويرجعني، عيشت معاه 13 سنة نصهم عند أهلي ونصهم في بيتي.»
مشاكل بيت العائلة
أكملت سحر: «كنا عايشين في بيت عائلة والمشاكل معاهم كانت أكتر بكتير من المشاكل مع جوزي، أهله كانوا بيتدخلوا في كل حاجة، غير أن جوزي كان مضيع فلوسه عليهم ومحدش فيهم كان بيقف معايا او ياخد صفي في المشاكل اللي بتحصل بينا.»
مبيصرفش على عياله خالص
أضافت سحر: «اللي خلاني اسيبه أنه كان مبيصرفش خالص وأنا اللي اضطريت أنزل واشتغل ولما لاقيت الحياة معاه صعبة كدة طلبت الطلاق واتطلقنا ودي، ومن ساعتها مبيصرفش على العيال خالص، انا اللي بشتغل وبصرف وهو مبيسألش.»
دعاوي محكمة الأسرة
أنهت سحر حديثها والدموع في عينيها: «معرفتش حتى بعد الطلاق إني ارفع عليه قضية نفقة عشان يساعدني في المصاريف لأن مش معايا حتى فلوس المحامي، حاولت معاه كتير ودي انه يصرف لكن مفيش فايدة معاه، انا في المحكمة عشان أعمل إثبات حضانة وأقدر أدخل عيالي معايا في التموين»
تابع أحدث الأخبار عبر
