هالة في محكمة الأسرة: حمايا واخد حقي أنا وأولادي بعد وفاة ابنه
ظنت «هالة» عند وفاة زوجها أن المشاكل في حياتها ستنتهي، لكنها كانت مخطئة لأن المشاكل زادت و وجدت نفسها في مواجهة أهل زوجها الذي لم يقدروا أن الزوجة أصبحت بمفردها في هذه الدنيا دون أحد يرعاها هي وأولادهم وأخذوا ورثها منها وتركوها تتوجه لمحكمة الأسرة حتى تحصل على حقها هي وابنائها الذي سرق منهم.
"كنت في مشاكل مع جوزي ودلوقتي في مشاكل مع اهله" هذا ما بدأت به «هالة» حديثها عن قصتها التي بدأت بمعاناة واستمرت معها المعاناة، كانت حياة «هالة» مع زوجها ليست مثالية فكانت حياة يملأها الخلافات، ولكن تحملت الزوجة حتى لا تخرب بيتها وبفضل تضحياتها لم يخرب البيت وانجبت «هالة» ابنائها وربتهم مع زوجها، وشاء القدر أن يتوفى الزوج ويترك لزوجته وأبنائه تركه حتى يعيشوا منها ولكن سرق حماتها ورثها هي وأبنائها الذي كان حقهم أن يحصلوا عليه، حاولت «هالة» أن تعوض نفسها وأبنائها عن الحياة الأليمة التي عاشتها مع زوجها لكنها وجدت نفسها تواجه مشاكل أكبر في حياتها وكان حل هذه المشكلات في محكمة الأسرة.
عايشة في خلافات مع جوزي
قالت «هالة»: أنا اتجوزت من 20 سنة وجوزي ميت من 7 شهور بس، خلفت منه ولد وبنت كان جواز عن طريق المعارف، الأول مكنش في مشاكل والحياة عادية بينا، بس كان في مشاكل بينا مشاكل كتير بس كنت بصبر واتحمل عشان الدنيا تمشي ومخربش البيت، المشاكل كانت بتقى على حجات كتير، بس انا كنت بعدي وأقول أي بيت فيه مشاكل، والعيال هيتبهدلوا لو سيبته، وعيشت وصبرت لحد ما جوزي اتوفى بسكتة قلبية.
جوزي مات وسابنا
تابعت «هالة»: بالرغم من الخلافات اللي بينا لما جوزي مات زعلت عليه جدا هو برضو كان عشرة عمر وأبو عيالي،مكنش لينا حد في الدنيا، أنا كان لازم أقف على رجلي عشان خاطر ولادي وأكون جنبهم وأرعاهم، كان لينا ورث من جوزي، قلت لما اخد الورث هحافظ على ولادي وأعوضهم عن اللي شافوه وأبوهم عايش، هما شهدوا على كل المشاكل اللي كانت بينات.
حمايا عايز يحرمني من عيالي
أكملت «هالة»: محدش وقف معايا من أهل جوزي من ساعة وفاته، لحد ما لقيت حمايا بيقولي ملكيش حاجة ودي فلوس ابني وعيالك لو عايزة حقهم سييهم واحنا نربيهم، مقدرتش طبعا اسيب عيالي، وحاولت معاه كتير إنه يديني حقي لكن مفيش فايدة، بقالي فترة مش عارفة أخد ورث جوزي بسبب حمايا، جيت المحكمة عشان أرفع دعوى وصاية عشان ابقى وصية على عيالي واعرف أخد حقهم.
تابع أحدث الأخبار عبر
