«رشدي أباظة زمانه».. مها : جوزي طلع نسوانجي وقالي لازم تتعودي وجودهم في حياتي
زواج دام لمدة 16 عامًا وكانت نهايته محكمة الأسرة، كانت هذه باختصار قصة حياة «مها» الزوجية، التي كانت سيدة طبيعية حلمها بيت وأسرة ولكن تغيرت حياتها للأبد بسبب زوجها الخائن.
رشدي أباظة زمانه
تزوجت «مها» عن طريق زواج الصالونات ولمدة 16 عامًا عاشت حياة تبدو لأي شخص أنها حياة طبيعية والزوجين يعيشوا في سعادة، لكن كان وراء هذه الصورة ألم وكسرة عاشتهم الزوجة مع زوجها الذي لم يقدرها أو يصونها وخانها لمده سنين عديدة من زواجهم، وفي النهاية كان هو من ترك بيته وأولاده عندما رفضت الزوجة أن تقبل بهذا الوضع وهذه الحياة، وكان هو السبب في توجه الزوجة لمحكمة الأسرة حتى تحصل على حقها.
زواج صالونات
قالت مها: «أنا متجوزة جواز صالونات من 16 سنة، خلفت من جوزي 3 بنات، الحياة بينا كانت طبيعية في الأول ومفيش مشاكل، كان راجل زي باقي الرجالة والحياة كانت ماشية، وحتى لما كان في مشاكل كانت بتتحل على طول.»
حسيت بخيانة جوزي
تابعت مها: «لحد ما جوزي اتغير بقى على طول على التليفون ومبيقعدش معانا كتير، حسيت بيه أنه متغير وإنه يعرف عليا واحدة تانية، كدبت إحساسي لحد ما دورت وراه وعرفت إني كنت صح، جوزي مش بس كان يعرف عليا واحدة تانية طلع يعرف عليا ستات تانية كتير،كانت صدمة عليا ولما واجهته مأنكرش بالعكس ده قالي إذا كان عجبك، بقالنا سبع سنين في مشاكل بسبب الموضوع ده، مسيبتوش لأن مكنتش عايزة أخرب بيتي وأسيب ولادي يتبهدلوا، كملت معاه وقلت يمكن بعد كدة يتعدل»
ساب البيت ومعرفش عنه حاجة
أضافت مها: «أخر 4 سنين كنا تقريبا مش عايشين مع بعض كان على طول بره ومشغول ومش معايا، لحد مبقتش قادرة أعيش معاه، ولما قلتله يبطل اللي بيعمله عشان يحافظ على البيت والعيال رفض وقال تقبلي بالوضع وتقبليني كدة يا مش هتغير إذا كان عجبك، وهو اللي سايب البيت بقاله سنتين دلوقتي ومعرفش عنه حاجة.»
مها جوزي طلع نسوانجي
أنهت مها كلامها: « أهله كانوا كويسين معايا في الأول لكن بعد كدة خدوا صفه، هو مبيصرفش من ساعة ما ساب البيت على البنات، أنا اللي بشتغل وبصرف عليهم بس على القد وأهلي بيساعدونا، ورفعت عليه قضية نفقة»
تابع أحدث الأخبار عبر
