«عياله خارج الحسابات».. عايدة في دعوى نفقة: متجوز واحدة يصرف على عيالها
لم تكن معاناة «عايدة» فقط عندما اكتشفت أن زوجها تزوج من أخرى، لكن عندما لم تجد من زوجها سوى القسوة عليها وعلى أبنائها وتركه لهم محتاجين للسؤال والمعونة.
عايدة في دعوى نفقة: متجوز واحدة يصرف على عيالها ورامي عياله
كانت حياة «عايدة» الزوجية طبيعية أو هذا الذي كانت تظنه، لكن اكتشفت الزوجة أن زوجها تزوج عليها من أخرى كانت مفاجأة عليها وبالرغم من حزنها وحسرتها على حالها وافقت وعاشت مع زوجها حتى لا يتشرد أولادها أو يعيشوا حياة صعبة بسبب طلاق والديهم ولكن ما وجدته بعد تضحيتها القسوة من زوجها واهتمامه بزوجته الجديدة وأبنائها وإهماله لها ولأولادها، ولجأت في النهاية لمحكمة الأسرة لتجد حل لمشكلتها.
زواج صالونات وحياة طبيعية
قالت عايدة «أنا اتجوزت من 7 سنين كان جواز صالونات خلفت منه ولد و بنت، الحياة كانت طبيعية ومفيش مشاكل الحياة عادية زي أي زوجين، هو كان بيشتغل ويصرف علي أنا والعيال وأن مكنتش بشتغل مكناش محتاجين»
جوزي اتجوز عليا
تابعت الزوجة: «لحد من فترة جوزي كان متغير بقى يخرج كتير ومعرفش هو فين ومعرفتش ماله أو سبب أنه اتغير، لحد ما اكتشفت انه متجوز علي عرفت من تصرفاته الغريبة الست بتحس بجوزها ولما دورت وراه، لما واجهته في الأول أنكر وبعد كده قالي اه اتجوزت إذا كان عاجبك وضربني».
اتحملت انه اتجوز عليا
أكملت الزوجة: «رغم اللي عمله معايا اتحملته وعيشت معاه ومرضيتش أطلق عيشت عشان أحافظ على بيتي وعشان خاطر أولادي ميتبهدلوش لكن هو مكنش عايز يحل، عرفت بعد كده إنه اتجوز واحدة مطلقة وعندها 3 عيال بقى على طول معاها ومش بيسأل فينا وبيهتم بس بعيال مراته».
دعوى نفقة
أضافت عايدة: «حاولت معاه إنه يجي ويسأل على عياله ويصرف عليهم ولما قلتله عايزة مصاريف للعيال قالي عيالك ملهمش فلوس عندي وفلوسي أصرفها براحتي على عيالها،سيبت البيت قلت يمكن يسأل فينا ويرجعنا تاني، لكنه خلاني سبت البيت 6 شهور لما لقيت إننا مش فارقين معاه، رفعت نفقة زوجية وطلقني غيابي عشان معرفش أخدها ورفعت نفقة صغار عشان خاطر العيال،عرفت من المحكمة إنه طلقني».
تابع أحدث الأخبار عبر
