سميرة بدعوى نفقة: «بيجيب فلوس كويسة بس راكب دماغه إنه ميسبلناش مليم»
زوج أناني لا يريد الإنفاق على زوجته وأولاده، تحدثت معه مرة واتنين على أمل أنه يلين وينفق عليهم ولكنه مصر على عدم إنفاق مليمًا واحدًا، اضطرت سميرة تلجأ للقضاء ورفع دعوى نفقة تنقذها هي وأولادها ولكنه بمجرد معرفته بالقضية التي أقامتها ضده قرر الهروب من المنزل لتعطيل إجراءات القضية.
"مش عارفة أوصله عشان كل شوية يغير المكان اللي قاعد فيه" كانت هذه الكلمات التي استتحت بها سميرة حديثها للقاضي، مؤكدة على المعاناة التي تعيشها مع زوجها الذي هرب من المنزل بعد معرفته برفعها ضده قضية نفقة.
تتابع: "مش راضي يصرف على العيال بالزوق، اتكلمت معاه كتير واتخانقت أكتر عشان يصرف على العيال اللي مش عارف عنهم حاجة دول بس هو ولا هنا".
ساب البيت وطفش ومش عارفة أوصله
مشكلات بالكوم تعاني منها بسبب رفض الزوج الإنفاق على أولاده، ما جعل الأمور تتصاعد رويدًا رويدًا حتى وجدت أن الحل الأخير لهذه المشكلة هو اللجوء للقضاء لرفع قضية نفقة.
أضافت المدعية الحديث وقالت: “مش راضي يصرف على العيال مش فاهمة ليه مع إنه شغال عادي وبيجيب فلوس كويسة بس هو راكب دماغه إنه ميسيبش جنيه في البيت، آخر ما زهقت بقى رحت رفعت عليه قضية نفقة”.
استكملت: "أول لما عرف إني رفعت عليه قضية نفقة لقيته هرب من البيت والمحكمة مش عارفة توصل له عشان تبعت له الإعلان، كل ما نعرف مكانه يغيره، والمحامية اللي معايا مبقتش عارفة تعمل إيه وكل دا طبعًا معطل إجراءات القضية".
معطل إجراءات القضية
حاولت التوصل له أكثر من مرة ولكنها فشلت بسبب تغيره المستمر لمكان إقامته متعمد تعطيل إجراءات القضية حتى لا تصدر المحكمة حكم بدفع نفقة لأولاده، انهت سميرة قصتها قائلة: "حسبي الله ونعم الوكيل على اللي عامله فيا دا والشحططة اللي مشحططهالي عشان يعطل القضية والمحكمة متصدرش حكم بالنفقة عليه، ربنا هيجيب لي حق أنا والعيال إن شاء الله".
تابع أحدث الأخبار عبر
