«خاين بطبعه».. شيماء في محكمة الأسرة: لقيت هدوم الستات في بيتي وابني مات بسببه
أمام محكمة الأسرة تواجدت «شيماء» وفي عيونها الحزن على تجربة زواجها الأليمة التي علمتها دروس عديدة في حياتها وجعلتها لا تثق في الناس بعد الخيانة التي شهدتها من زوجها.
شيماء في محكمة الأسرة: بيخوني من الخطوبة وابني مات بسببه
تزوجت «شيماء» وكانت تأمل أن تعيش حياة طبيعية مع زوجها ولكنها اكتشفت خيانته منذ الخطوبة، صبرت عليه حتى تحقق حلمها في تكوين أسرة، وتزوجت وبعد محاولات عديدة أن تصلح زوجها تتغاضى عن خيانته فاض بها الكيل ولم تستطع تحمل الحياة معه قررت أن تتوجه لمحكمة الأسرة حتى تنهي حياتها معه بعدما خانها وتركها دون سؤال عليها أو على ابنهم الذي خسرته بسبب حزنها على ما فعله زوجها معها.
بيخوني من الخطوبة
قالت شيماء :« جوزي اتقدملي وكان شخص كويس كنت لسه عشرين سنة وصغيرة، اتخطبنا وكنت فرحانة ونفسي يبقى عندي بيت وعيال، كان في الأول كويس جدًا ومفيش أي مشاكل، بعد فترة كنت بلاحظ إنه بيكلم بنات على التليفون، ولما أوجهه ينكر أو يقول مش هيكلمهم تاني، صبرت عليه وقلت بكرة يتغير»
استحملت عشان خاطر بنتي
تابعت شيماء:« اتجوزنا وفي أول الجواز كان بطل يكلم بنات لكن بعدد فترة اكتشفت إنه رجع يكلم بنات تاني، كنت على طول بعرف من تليفونه لما يسيبه، حاولت معاه كتير أنه يبطل، ولما أواجهه مرة ينكر ومرة يقول مش هيعمل كده تاني، لحد ما في الآخر بقى يقولي ده اللي عندي إذا كان عاجبك، صبرت عليه وقلت كل الرجالة كدة وكان وقتها خلفت بنتي وبقيت مش عايزه اخرب بيتي.»
بيخوني في بيتي
أكملت الزوجة:« لحد من سنة تقريبا لقيت هدوم ستات في البيت مش بتاعتي، ساعتها لما واجهته قالي معرفش عنها حاجة، ولما عملت مشكلة اتخانق معايا وضربني، عرفت ساعتها إني مينفعش أكمل مع البني ادم ده، خدت بنتي وسيبته، اكتشفت إني كنت حامل بعد ما غضبت ورحت عند اهلي حاول يرجعني مرة واحدة بس وأنا رفضت، مش هقدر أعيش معاه في أمان بعد كدة».
دعوى نفقة
أنهت شيماء حديثها:« لما عرف إني مش راضية أرجع قالي مش هسجل الولد لما تولدي وإنه مش عايزني تاني، سقط من الزعل وجالي نزيف مكملتش 3 شهور حامل، وهو دلوقتي عاش حياته واتجوز عرفت من صوره على الفيسبوك، وهو مبيدفعش جنيه لبنته دلوقتي حتى مصرفش جنيه على ولادتها أمي هي اللي دفعت وجيت ارفع عليه قضية نفقة.
تابع أحدث الأخبار عبر
