عزة في محكمة الأسرة: ضرتي سبب طلاقي وخدت حقي انا وعيالي
بعد أن تزوجت «عزة»، وأنجبت بناتها الثلاث كان أملها أن تعيش وتربي بناتها في بيئة طبيعية مع زوجها، ولكن ما حدث لها في حياتها بسبب أهل زوجها والزوجة الأولى وأبنائها دمر كل آمالها وجعل حياتها صعبة.
تزوجت «عزة» من رجل متزوج، ووافقت أن تكون زوجة ثانية؛ من أجل أن تحقق حلم البيت والأسرة، ولكن ضرتها «رجاء» لم تتركها في حالها، فأقنعت الزوج أن «عزة» لا تنجب سوى البنات، وكانت السبب في طلاقها من زوجها وهي حامل في ابنها الوحي الذي لم يرَ والده أبدا، لم يكفها ما فعلته معها، لكن سرقت حقها وحق أبنائها من ورث زوجها وتركتها تلجأ لمحكمة الأسرة لتحصل على حقوقها.
مبيحبش خلفة البنات
قالت «عزة»: أنا اتجوزت من 20 سنة جوزي أنا كنت مراته التانية، وافقت ورضيت إني أكون التانية واتجوزنا، ومكنش ليا علاقة بيها، خلفت من جوزي 3 بنات وهو مكنش بيحب خلفة البنات، قل الي مخلفش تاني عشان كان خايف نجيب بنت تاني.
عايز يطلقني عشان رافضة أجهض
وتابعت الزوجة: حملت تاني، وقتها جوزي كان عايز يطلقني، وداني عند أهلي عشان رفضت أجهض، أهلي كلموه وصالحونا على بعض، وقالوا له خلاص دي آخر مرة ومش هتخلف تاني، لكن مراته فهمته إني عايزة أخلف عشان الورث، وأنا مفيش في بالي حاجة، وانا كنت عايزة أحافظ على بيتي.
ضرتي سبب طلاقي
أكملت «عزة»: فضلت ورا جوزي لحد ما طلقني، وبعدها خلفت المرة الرابعة، وجبت ولد وجوزي حاول يرجعني تاني لما عرف، لكنه ملحقش ومات، وابني اللي اتولد ما شافش أبوه واتيتم من وهو صغير، ومن ساعة ما مات واتبهدلت أكتر لما كان عايش.
ابن جوزي خد مني بيتي
أنهت «عزة» كلامها: جوزي لما مات كتب لينا شقة، ومراته وعياله عملوا تزوير، وقالوا إني بكدب ومليش حاجة، رافعة من زمان قضايا إعلام وراثة عشان حق ولادي، ومخدتش حاجة لا بيت ولا أرض، ابني ليه من ورث أبوه 10 فدادين ومخدش أي حاجة منهم ، وانا مخدتش منهم ولا جنيه، ورايحة جاية على المحاكم عشان الورث.
تابع أحدث الأخبار عبر
