أم أماني للقاضي: جوز بنتي فلوسه لأمه واخواته وبنتي ملهاش غير البهدلة
منذ أن انجبت «أم أماني» ابنتها حلمت باليوم الذي سوف تراها سعيدة في بيتها مع زوجها ولم تكن أبدا تأمل أن ترى ابنتها في محكمة الأسرة تبحث عن حقوقها من زوجها الذي لم يحقق حلم «أم أماني».
منذ زواج «أماني» عاشت في بيت عائلة مع زوجها وكنت تأمل هي ووالدتها أن يكون زوجها ضهر وسند لها، ولكن زوجها لم يكن سند لها أبدا بل أسقاها الألم والقسوة فكان لا يصرف عليها أو يعطيها ما تحتاجه من أجل حياتها بل صرف كل أمواله على والدته وعلى اخوته وترك زوجته في حاجة للأموال حتى وصلت في النهاية لمحكمة الأسرة لتحصل على حقوقها منه بعد القسوة التي رأتها في حياتها منه ومن أسرته.
جوز بنتي كان كويس في الأول
قالت «أم أماني»: بنتي متجوزة من 6 سنين معاها بنت بس من جوزها سايباه وقاعده عندي بقالها سنة ونص، جوزها كان كويس جدا لما اتقدملها ومفيش مشاكل منه، اتجوزته وعاشت في بيت أهله وفي الأول مكنش في مشاكل لكن بعدين كل ده اتغير.
بيصرف على أمه وأخواته
تابعت «أم أماني»: مكنش بيصرف عليها وكان شغله كويس وبيقبض كويس لكنه مبيصرفش على بيته وبنته، فلوسه كلها لأمه واخواته مع أن أخواته بيشتغلوا ومعاهم فلوس بيصرف عليهم وسايب بيته محتاج، طول ما كانت معاه كانوا عايشين في بيت عائلة بتاكل عند امه وتطلع بيتها فاضي مبيديهاش فلوس ليها أو لبنتها.
مبهدل بنتي معاه
أكملت «أم أماني»: كان بيضرب بنتي وبيبهدلها لو طلبت منه أي حاجة زيادة ليها أو لبنتها، مع أنه كويس ومحترم بس كان بيضربها ويشتمها أوحش شتيمة كان بيضربها جامد لدرجه أنه كان هيموتها وبيبقى من غير ما بنتي تعمل حاجة أمه كانت بتسلطه على بنتي تخليه يضربها.
دعوى نفقة
أنهت «أم أماني» كلامها: بنتي سابته لما تعبت من كتر الضرب والإهانة قررت تسيبه، ولما أهله كمان كانت معاملتهم وحشة تلقيح ومشاكل كتير معاها، وبنتي كويسة ومحترمة ومتعلمة ملهاش في المشاكل دي، من ساعة ما سابته مبيسألش على بنته ولا بيصرف عليها وجينا عشان نرفع قضية نفقة.
تابع أحدث الأخبار عبر
