سارة في محكمة الأسرة: جدتي غضبانة علينا بسبب أمي
تواجدت «سارة» على أعتاب محكمة الأسرة وهي في بداية عشريناتها وهي تحمل ألم كبير وهو خسارة والدها وفوق هذا الألم كانت تحمل وجع عدم سؤال أهلها عليها بعد وفاة والدها.
توفي والد «سارة» وتركها هي واخوتها دون سند في الدنيا وبعد وفاته بدل أن تجد من عائلتها الدعم الذي تحتاجه بعد أن أصبحت يتيمة وجدت القسوة وعدم الاهتمام بسبب خلافات لم تكن لها أي دخل فيها وبعد محاولاتها في إصلاح علاقتها بأهلها التي بائت كلها بالفشل فشلت «سارة» في إصلاح علاقتها باهلها واصبح سندها الوحيد في الدنيا والدتها التي تواجدت معها في محكمة الأسرة وهن يحملن ألم كبير في حياتهم.
أبويا مات وسابنا من زمان
قالت «سارة»: والدي اتوفى من 2015 بسبب سكته قلبية، كانت صدمة كبيرة عليا وعلى أخواتي أبويا كان كويس ومش تعبان وكان أب مثالي ومكنش مخلينا محتاجين حاجة في الدنيا ومكنش في مشاكل كان سندنا وضهرنا في الدنيا ولما مات الدنيا اتبدلت من بعده.
أهل أبويا مش بيسألوا فينا
تابعت «سارة»: ابويا ميت من زمان من ساعة ما ابويا اتوفى وأهله مبيسألوش فينا ولا ليهم أي علاقة بينا مبيسألوش فينا خالص من زمان مع ان احنا مكنش في مشاكل على الورث مكنش لينا حاجة في ورث من والدي غير العربية بتاعته وخدناها وخلاص مفيش حاجة تاني، بس هما أعمامي كل واحد في حياته محدش بيسأل فينا ولما بنحتاج حاجة ملناش حد نروحله.
اقرأ أيضا
أبويا مقاطع جدتي من زمان بسبب أمي
أكملت «سارة»: حتى جدتي أم أبويا مبتتكلمش معانا خالص ولا بتسأل علينا، هي من زمان كان في مشاكل بينها وبين بابا لأنها مكنتش موافقة على الجواز من أمي ومن ساعتها وهي مقاطعة أبويا ومقطعانا من زمان وحتى لما مات مسألتش فينا ولا شافت أننا محتاجين حاجة.
أمي اللي شالتنا لوحدها
أنهت «سارة» كلامها: أنا دلوقتي عندي 20 سنة وجاية محكمة الأسرة عشان قضية وصاية عشان أمي تشيل الوصاية من عليا واقدر أنا اتحكم في فلوسي وأصرفها زي مانا عايزة، طول السنين اللي فاتت دي أمي اللي ربتنا وكبرتنا ومكنش لينا غيرها طول السنين دي، واحنا مش عايزين حاجة منهم.
تابع أحدث الأخبار عبر
