«كل شهر غضبانة عندي».. أم نيفين لـ القاضي: بقالنا 11 سنة رايحين جايين في مشاكل
كان الحزن والحسرة هي المشاعر التي سيطرت على ام نيفين أمام محكمة اﻷسرة، فبدل أن تكون سعيدة بابنتها مع زوجها في بيتها، تواجدت معها لتقدم لها العون والمساعدة حتى تحصل على حقوقها.
أم نيفين لـ القاضي: كسر البيت على بنتي وعيالها
"بقالنا 11 سنة رايحين جايين في مشاكل“ هذا ما قالته أم نيفين عن الحياة التي عاشتها منذ أن زوجت ابنتها وسلمتها لعريسها، لم تعلم وقتها أن هذا الزواج قرار خاطئ ولن يعود عليها وعلى ابنتها سوى بالحزن والندم والقهر، حاولت أم نيفين ان تصلح بين ابنتها وزوجها حتى لا ترى ابنتها بيتها متدمر، ولكن تواصلت قسوة الزوج على ابنتها وعلى احفادها وكان هذا السبب الذي جعلهم يتوجهوا لمحكمة اﻷسرة.
في مشاكل مع جوز بنتي من ساعة ما اتجوزوا
قالت أم نيفين: بنتي متجوزة بقلها سنة من ساعة ما اتجوزت وجوزها مبهدلها ضرب وإهانة، بسبب ومن غير سبب، في الأول كان كويس ومفيش منه أي مشاكل وبنتي مكانتش بتشتكي منه لكن مع الوقت بقى واحد تاني، الحاجة الوحيدة اللي طلعت بيها خلفت منه ولدين وبنت.
كل شهر غضبانة عندي
تابعت أم نيفين: بقالنا ١١ سنة رايحين جايين في مشاكل ، بنتي من ساعة ما اتجوزت كل شهر غضبانة ، ولما تبقى معاه يضربها هي وعيالها ويفتحلهم دماغهم، انا اللي باخدهم واخيطهم، و العيال كان بيضربهم يكسر عضمهم وانا اخدهم ، وكل ده عشان خاطر بيتها ميتخربش.
راميها ومش بيسأل
أضافت أم نيفين: السنة اللي فاتت قعدت عندي 6 شهور غضبانة مسالش فيهم وأهله جم صالحوها ورجعوها وأنا مكنتش عايزاها ترجع أنا بصرف عليها وهي معايا وبصرف عليها وهي معاه على الأقل وهي معايا عايشة بكرامتها.
كسر البيت على بنتي
أكملت الأم: لحد أخر مشكلة جابت أخرها منه لما كسر الشقة عليها وعورها عملنا محضر في القسم، بسبب إنها قعدت عندي ومرديتش اروحها بليل قلتلها خليكي للصبح ولما روحت طردها وقلها ايه اللي جابك قالتله ده بيتي راح مكسر البيت كله، ومسألش فيها من ساعة ما مشيت، رافعين قضية ولاية تعليمية لأن مدارس العيال بعيدة ومش عارفين ننقلهم وخايفين ياخدهم.
تابع أحدث الأخبار عبر
