هدى للقاضي: اضطريت أسيب ولادي عشان مش قادرة أصرف عليهم
تزوجت «هدى» من زوحها وانجبت أطفالها وكان حلمها أن تعيش حياة طبيعية مع زوجها وتربي أولادها في بيئة طبيعية، لكن عدم رغبة زوجها في تحمل المسئولية، وطباعه الصعبة كانت سبب تدمير أسرتهم وتحول حلم الزوجة لكابوس وتواجدها في محكمة الأسرة.
مبيصرفش عليا من ساعة ما اتجوزته
استهللت «هدى» حديثها وقالت : اتجوزت من 2010 وسيبت جوزي من 2014 وخلفت منه بنت وولد، حياتي معاه كلها كانت الضرب والإهانة ومش عايز يشيل مسئولية عياله ولا عايز يصرف عليهم وكل لما اكلمه يقولي خلي اهلك يصرفوا عليكي.
مليش حد في الدنيا يقف معايا
تابعت «هدى»: لحد ما اطلقنا، وفضلنا في مشاكل في المحاكم فترة كبيرة بسببه، لحد ما وصلنا أن النفقة كانت 400 جنية للعيلين ابني وبنتي، وطبعا مكانوش بيكفوا حاجة، ومكنش معايا أصرف على عيالي الاتنين، غير ان مليش حد يقف معايا في الدنيا واهلي كلهم متوفيين.
سيبت ولادي عشان مش لاقيه أكلهم
اضطرت الزوجة أن تأخذ قرار صعب لا تستطيع أي أم أن تأخذه بسهوله، فاضطرت أن تترك أبنائها لزوجها ليعتني بهم فهي لم تستطع بسبب ظروفها المادية الصعبة والنفقة القيليلة التي حكمت لها بها المحكمة، وبسبب أيضا عدم وجود أي أحد بجانبها ليدعمها، وبعد لجؤها لمحكمة الأسرة لم تستطع أن تحصل على حقوقها من زوجها وحتى الآن تعيش في ألم بسبب بعد أولادها عنها.
أضافت «هدى» والدموع في عينيها: معرفتش اخد بالي من ولادي أو اراعيهم عشان النفقة كانت قليلة، رجعتهم لأبوهم ومن ساعتها وهما معاه ومش بشوفهم، ابوهم مش راضي يخليني اشوفهم لو شفتهم هيدهملي تاني عشان اشيل مسئوليتهم لوحدي وانا مقدرش لوحدي، عيالي دلوقتي عايشين معاه ومع مراته الجديدة.
عايز يفضى لعروسته الجديدة
أكملت «هدى»: هو اتجوز ومش عايز يشيل مسئولية عياله وعايز يفضى لمراته الجديدة، سيبت ولادي كانوا صغيرين بس كان غصب عني وبشوفهم في المدرسة بس، اعمل ايه معنديش حتى مكان اقعدهم فيه، ورفعت عليه قضية تبديد عفش لأني معرفتش اخد منه أي حاجة من بعد الطلاق لحد دلوقتي.
تابع أحدث الأخبار عبر
