نهى في دعوى خلع: صرفت عليه وأنا مراته دلوقتي عايزني أصرف بعد الطلاق
ظنت «نهى» بمجرد أن تطلب الطلاق من زوجها ستكون نهاية لعلاقتهما وبداية لتعيش حياة طبيعية وتربي أولادها وتعطيهم مستقبل أفضل ولكنها كانت مخطئة.
نهى في دعوى خلع: كنت بصرف عليه وأنا مراته عايزني أصرف عليه بعد الطلاق
تزوجت «نهى» منذ 17 عامًا وكانت تأمل حياة بسيطة مع زوجها الذي اختارته أن يكون شريك حياتها، وعندما تزوجت وجدت أن عش الزوجية ليس كما حلمت أن يكون هادئ ويملئه الراحة، لكن ملأه المشاكل بين الزوجين بسبب رفض الزوج أن يتحمل مسئولية أسرته ويصرف عليهم ما يحتاجونه، وبعد طلاق الزوجة ودي ظنت أنها لن تكون مضطرة لتتوجه لمحكمة الأسرة لكنها انتهت بها الطرق في النهاية في محكمة الأسرة.
جواز صالونات
قالت «نهى»: أنا اتجوزت من 2006، كان جواز صالونات مكنتش أعرف جوزي قبل الجواز، كنت صغيرة لما اتجوزته كنت صغيرة وفرحانة اني هيكون ليا بيت وأسرة، في أول الجواز كان كويس ومفيش مشاكل، لكن من بعد فترة في الجواز بدأ كل شوية يقولي إنه معهوش فلوس كل ما أقوله إني عايزة مصاريف للبيت.
نزلني اشتغل عشان اصرف على ولادي
تابعت «نهى»: عيشت مع جوزي 16 سنة، كل لما أطلب منه مصاريف يقولي مفيش، كان مبيكملش في شغلانة، كل شوية يسيب مشكلة على سبب تافه، خلفت منه 4 عيال، وكان مصاريفهم كتير وهو كل مادى مبيتصرفش، اضطريت إني أنزل واشتغل عشان أكفي بيتي وولادي، مكنش في إيدي حل تاني أعمله.
وجوده زي عدمه
أكملت «نهى»: لما نزلت اشتغل كنت نازلة عشان ولادي مخليهمش محتاجين حاجة، جوزي لما لقى كدة عجبوا الوضع وبقى يعد في البيت وانا اللي انزل اشتغل واصرف عليه، وعشان ميخلنيش أحس أن معايا فلوس وأقوى منه بقى يضربني ويبهدلني، لحد ما لقيت ان الحياة مش فارقة بوجوده قررت ساعتها أسيبه وأخد عيالي أطلب الطلاق.
أنا اللي بصرف عليه
أنهت «نهى» كلامها وقالت: لما ملقاش مني فايدة وإني مش هرجعله، طلقني ودي، وبقاله دلوقتي مطلقني من 6 شهور، مش عايز يوثق الطلاق عند المحامي، عشان لسه عايزني أصرف عليه بحجة انه بيدور على شغل وعايز الفلوس، ورفعت قضية خلع عشان عايزة ورقة طلاق وأخلص منه ومن العيشة معاه.
تابع أحدث الأخبار عبر
