"مبيتفاهمش غير بالضرب".. نعمة: ضربني مرة بسلك التلاجة ومرة بسلك الكهرباء
تلجأ الزوجة نحو محكمة الأسرة لرفع دعوى طلاق أو خلع بعدما تضيق كل السبل أمامها في حياة يحاصرها الحزن بسبب زوجها الذي يكون هو السبب الرئيسي في تعاستها، وهذا الذي حدث مع "نعمة" بعد ما وجدت نفسها في حياة بائسة تريد التخلص منها بأي طريقة بسبب زوجها الذي يلجأ لضربها طوال الوقت ما جعلها تسلك طريق القضاء ورفع دعوى طلاق لتنقذ نفسها.
"شوه جسمي بسبب ضربه ليا عمال على بطال" كانت هذه هي الكلمات الأولى في قصة نعمة مضيفة أنها تحملت أسلوب وطريقة حياة مع زوجه لم يتحملها أحد ولكنها كانت تصبر وتتغاضى عن أشياء كثيرة بسبب صغارها، ولكن خرج الوضع عن السيطرة وتأكدت أن الحل الوحيد هو الهروب من حياتها معه، تتابع قائلة: "أبويا هو اللي جابلي العريس وقالي دا كويس ومحترم جدًا ومفيش منه اتنين وأنا سألت عليه ناس كتير وكلهم قالوا لي عنه كل خير، وافقت عليه واتخطبنا وطول سنتين تالخطوبة وه كان كويس معايا جدًا وبيعاملني معاملة كلها احترام وقلت هو دا السند والعوض ليا".
بيضربني بسلك التلاجة وسلك الكهرباء
لم تكمل شهور قليلة لتدرك أنها أخطأت عندما ظنت أنه سيكون العوض والسند لها لأن الذي لاقته منه بعد الزواج كان عكس الذي شهدته في فترة الخطوبة، استكملت رواياتها للقاضي: "كنت غلطانة لم افتكرت إنه هيكون الزوج الصالح والسند ليا، لإن كل تصرفاته كانت عكس اللي كنت متخيلاه خالص، لقيت واحد عربجي عايش معايا في الشقة مبيتفاهمش معايا غير بالضرب، جسمي باظ من كتر ضربه ليا"، أضافت: "بيضربني بأي حاجة، مرة قطع سلك التلاجة عشان يضربني بيه ومرة عورني بسلك الكهرباء، وكل مرو كنت بفكر إني خلاص اتطلق منه كنت بقول معلش اصبر واستحمل عشان العيال بس خلاص هيجي في مرة ويموتني ومش هلحق اربيهم".
رفع دعوى طلاق
بعد تفكير طويل وجدت الزوجة أن الحل الوحيد لإنهاء حياتها معه هو طلب الطلاق منه ولكنه رفض ما جعلها تلج لمحكمة الاسرة من أجل رفع دعوى طلاق، انهت نعمة رواياتها قائلة: "جسمي باظ بسبب ضربه ليا، خلاص زهقت وجبت أخري منه وهو برضو مبيتغيرش خالص، وكل مرة كنت بقول بلاش تطلق عشان خاطر ابني الصغير بس اللي زيه صعب الواحد يعيش معاه في بيت واحد، طلبت منه إنه يطلقني بالزوق بس هو رفض عشان كدا رحت رفعت عليه قضية طلاق".
تابع أحدث الأخبار عبر
