«عنتيل حارتنا».. نورا في دعوى طلاق: كل شوية أقفشه مع واحدة جديدة
حلمت "نورا" أن يسكن عش الزوجية السعادة والاستقرار، لم تكمل الأسبوع الأول لتكتشف خيانة زوجها ولكنها قررت الحفاظ على حياتها التي لم تبدأ لعلها تكون مجرد نزوة عابرة ولكن توالت الخيانات بعد ذلك لتتأكد أنها تزوجت من خائن لن يتغير طوال 12 عامًا وبعد تحملها لخيانات دامت كل هذه السنوات قررت اللجوء لمحكمة الأسرة من أجل رفع دعوى طلاق.
نورا في دعوى طلاق: كل شوية أقفشه مع واحدة جديدة
تستهل نورا الحديث لقاضي الأسرة مؤكدة على خيانات زوجها الذي تغاضت عنها مر ات كثيرة وفي كل مرة تعطيه فرصة أخيرة يكون السبب في ضياعها، تتابع قصتها من بداية التعارف.
وتقول: "في الخطوبة مكنش باين إنه بتاع بنات خالص، كان محترم وكل الناس بتحلف بأخلاقه بس معرفش إيه اللي حصل من ساعة ما اتجوزنا".
من أول أسبوع في الجواز وهو بيخوني
بمجرد دخولهما عش الزوجية بدأت المشكلات منها العادية ومنها بسبب خياناته التي اكتشفتها الزوجة من أول أسبوع في الزواج، ومثل أي زوجة تريد الحفاظ على بيتها قررت عدم افتعال المشكلات، ظنت أنها تكون مجرد نزوة ولكنها لم تكون مرة واحدة فقط وتوالت النزوات وراء بعضها البعض.
أضافت: "من أول أسبوع في الجواز واحنا لسة عرسان جداد سمعته بيكلم واحدة قلت يمكن متهيئلي بس لما ركزت طلعت فعلًا واحدة ست بجد وانا مش متهيئلي ولا حاجة"، تابعت: "مرضتش أعمل مشاكل وأعرف أي حد وقلت أعدي الموضوع وعملت نفسي عبيطة وقلت اكيد دي مرة وهتعدي ومش هتكرر تاني بس للأسف الموضوع اتكرر وبقا كل شوية اقفشه مع واحدة".
خلص على جيران الشارع
تغاضت الزوجة عن خياناته أكثر من مرة لعله يتلفت لبيته ولكن لا حياة لمن ينادي واستمر الزوج في نزواته التي لا تنتهي، تستكمل نورا حديثها: “كل مرة يوعدني إنه خلاص أخر مرة وبرضو لسه عينه زايغة زي ما هي، على الحال دا بقالي 12 سنة وأنا على أمل إنه يتغير وطيتعدل بس مفيش فايدة، كل شوية أقفشه مع جاره جديدة من شارعنا، لحد ما خلص على جيران الشارع كلهم”.
أضافت: "تعبت بصراحة ومش عارفة أعيش مع واحد خاين كدا، جبت أخري خلاص بعد 12 سنة وطلبت منه الطلاق بس هو رفض، خدت العيال ومشيت ورفعت عليه قضية طلاق على طول من غير ما افكر".
تابع أحدث الأخبار عبر
