«متجوزة خاين ونصاب».. ولاء في دعوى طلاق: بيعرف الستات عشان فلوسهم
نزوات متكررة عانت منها "ولاء" من بداية الزواج ولكنها تغاضت حتى لا تخرب على نفسها، وبدلًا من أن يقدر الزوج تحملها لنزواته اللانهائية تمادى بشكل مبالغ ما جعلها تقرر الانفصال والشيء الذي دفعها تسرع نحو محكمة الأسرة هو أنها اكتشفت أنه يتعرف على السيدات من أجل النصب عليهم وفجأة وجدت نفسها تعيش مع نصاب وخائن.
من قبل الجواز وهو مقطع السمكة وديلها
"خاني كتير من أول الجواز" بهذه الكلمات بدأت ولاء حديثها مؤكدة على معاناتها بسبب زوجها الخائن الذي تعاني منه من بداية الزواج ولكنها كانت تتغاضى عن كل هذه الخيانات من أجل أولادها وبيتها.
تابعت: "نعرف بعض من الشغل وكلن معروف عنه إنه بتاع ستات بس لما جوه قال لي إنه بيحبني قلت أكيد هيتعدل واتخطبنا وطول فترة الخطوبة وأنا مشوفتش منه أي حاجة خالص كان ماشي معايا بما يرضي الله ومشوفتش منه أي حاجة كدت ولا كدا".
ظنت ولاء أنها تعيش أحلى الأوقات مع شريك الحياة الذي اختاره قلبها ولكنها مخطئة، لأن الواقع صدمها ووجدت أنها تعيش مع شخص لا يعرف أي سوى الخيانة، أضافت الزوجة: "قلت خلاص أكيد هيتغير وهينسى خياناته اللي قبل الجواز، وكان معايا في الخطوبة كويس جدًا ومشفتهوش بيكلم أي ست خالص، بس من ساعة ما تجوزنا وانا كل شوية اقفشه مع واحدة"، تابعت: "كنت بقول في الأول عادي مظلمهوش يمكن زمايله بس مطلعش كدا خالص، وكل ما اقفشه مع واحدة وأبقى عايزة اتطلق يقول لي دي أخر مرة خلاص".
بيعرف الستات عشان ينصب عليهم
تراجعت ولاء عن فكرة الانفصال التي تراود فكره طوال الوقت حتى تحافظ على بيتها من الخراب ولكن خيانات الزوج جعلتها تتخذ قرار حتمي بالانفصال بلا رجعة، تستكمل: "لقيت الموضوع بيزيد وكل يوم والتاني مع واحدة شكل، مبقتش استحمل خلاص والمصيبة اللي عرفتها إنه بيعرف الستات عشان ينصب عليهم بس وياخد فلوسهم، يعني طلع خاين ونصاب"، عزمت الزوجة على الطلاق ما دفعها تعرف طريق المحكمة لرفع دعوى طلاق حتى تنقذ نفسها من العيش مع رجل نصاب وخائن.
تابع أحدث الأخبار عبر
