فتحلى دماغي.. ابتسام بدعوى طلاق: «مبهدلني عشان مش راضية بالفلوس الحرام»
دعوى طلاق ضرر كانت النهاية التي وصلت لها «ابتسام» مع زوجها الذي لم تقدم له سوى العون والحب ، ولم تتلقى منه سوى الألم والحزن والإهانة في سنين زواجها منه.
منذ أن تزوجت «ابتسام» اكتشفت العديد من المفاجآت حول زوجها، فمن أول اكتشافها أنه كان يكذب عليها عندما قال أنه سائق حتى معرفتها أنه حرامي، وعندما رفضت أن تدخل أموال حرام عليها وعلى أبنائها رفض أن يصرف عليها هي وأولادها وجعلها تتحمل المسئولية، وأسقاها من العذاب ألوان حتى أوصلها في النهاية لمحكمة الأسرة لتضع حل لشره معها.
خدعني قبل الجواز
قالت «ابتسام»: "اتجوزت من 10 سنين، جوزي كان غريب عن البلد بتاعتنا اتقدملي وافقنا عليه جبت 3 ولاد منه، مكنش يبان عليه قبل الجواز أي حاجة وحشة ، كنت بحبه وكان نفسي نعيش حياة عادية من غير مشاكل، لكن في يوم صحيت لقيت البوليس في بيتي وبيقولوا على جوزي أنه حرامي".
رفضت اتخلى عن جوزي
تابعت الزوجة: “طلع حرامي وبيسرق من زمان اتقبض عليها بسبب السرقة، أهلي قالولي اسيبه لكني رفضت ورجعتله لما خرج من السجن عشان بحبه ومن ساعة ما رجعت واديته فرصة تانية أنه يمشي كويس لكنه كان يبقى سوء كل مادى، من ساعة ما خرج وهو بقى واحد تاني بقى مكمل في السرقة لما رفضت أني اقبل على ولادي، كان بيضربني هو وأهله ويكسروا حاجتي ويقولوا أن كان عجبك، بقى كمان مبيصرفش أي فلوس على العيال ومش لاقيين ناكل ”.ِ
عامل بيته غرزة
أضافت «ابتسام»: ب"صرف على 3 عيال لأنه مبيصرفش ولا مليم على العيال عنده عربيات واراضي ومش بيبعت لعياله جنيه ، وكل يوم سهران في حته شكل ، أخر خناقة حصلت بينا كانت بسبب أني مش راضية أنه يفضل حرامي وبيجيب صحابه الرجالة يقعدوا في البيت هو وأهله فتحولي دماغي 17 غرزة.
شقيانه على عيالي
أنهت «ابتسام» كلامها وقالت: “سيبته لأن العيشة معاه بقت صعبة وانا شقيانة على عيالي، وبشتغل عند الناس عشان اصرف على العيال، لما الشتا جه استلفت عشان اجيب هدوم لعيالي ورفعت عليه قضايا مسكن ونفقة وطلاق ضرر عشان أعرف اصرف على ولادِي”.ِ
تابع أحدث الأخبار عبر
