«جارتي طلعت ضرتي».. سعاد بدعوى خلع: قفشتهم بعد 20 سنة وعرفت إنه متجوزها
عِشرة 20 سنة كانت المدة التي عاشتها «سعاد» مع زوجها وكانت تظن بعد هذه السنين إنهم مروا بكل المشاكل، ولن يحدث شئ سوف يفرقهم أو يدمر أسرتهم، ولكنها كانت مخطئة فدمر زوجها أسرتهم التي بنوها طوال هذه السنين.
سعاد بدعوى خلع: قفشتهم بعد 20 سنة وعرفت إنه متجوزها
سهرت «سعاد» وتعبت في حياتها حتى تبنن أسرتها التي تكونت من أب وأم وبناتها الأربعة، وكان حلمها في الحياة أن تعيش حياة طبيعية مع أسرتها وتفرح ببناتها في يوم من الأيام، لكن ما لم تتوقعه أبدًا أنها سينتهي بها الأمر في محكمة الأسرة حتى تحصل على حقوقها من زوجها الذي تزوج عليها وتركها هي وبناتهم دون سؤال ودمر الأسرة التي تعبت «سعاد» في بنائها.
حياة طبيعية بين الزوجين
قالت «سعاد»: أنا اتجوزت من 20 سنة، جوزي لما اتقدملي كان جواز صالونات وهو كان شخص كويس ووافقت عليه، بعد ما اتجوزنا الحياة كانت عادية ومفيش مشاكل غير زي اي زوجين طبيعين، الحياة كانت ماشية هو كان بيشتغل ويصرف عليا أنا وبناته الأربعة اللي خلفتهم وربتهم أحسن تربية، وكنت بتقي ربنا فيه وفي بيته.
حسيت إن جوزي بيخوني
تابعت «سعاد»: كنا عايشين مفيش مشاكل والحياة ماشية، لحد من قريب الجوزي بدأ يتغير وبقى بني آدم تاني، طريقته غريبة وكلامه غريب وكل حاجة فيه متغيره، كنت حاسه إنه يعرف عليا واحدة بس مكنتش عارفة أثبت حاجة ولما أكلمه يتخانق معايا ويعمل مشكلة.
عرفت خيانته من الموبايل
أكملت الزوجة: بقى يتاخر كتير بره البيت وبيتحجج بالشغل، وفي مرة اداني تليفونه اعمل منه مكالمة لقيت جاتله رسايل على تليفون من واحدة وعرفت إنه اتجوز عليا، تاني يوم قالي رايح مشوار وهتاخر مشيت وراه لقيته راكن العربية تحت بيتها وطلعت جارتنا، لما تاكدت إنه اتجوزها فعلا رفضت أعمل مشكلة عشان خاطر بناتي معملهمش فضيحة .
أضافت «سعاد»: سيبته بعدها على طول عشان أنا مش حاسه إني أقدر أديله الأمان تاني بعد اللي عمله معايا، ومن ساعة ما سيبته مسالش فيا انا وبناته، وفي الأخر طلق اللي اتجوزها دي بقاله 3 شهور سايبها وقاعد لوحده في الشقة بتاعتنا ورجع ندمان عايزنا نرجع بس مقدرش ارجعله تاني ولا اثق فيه، ورافعة عليه قضية خلع لأنه رافض يطلق وأنا خلاص مش عايزة منه حاجة.
تابع أحدث الأخبار عبر
