أم سهام في محكمة الأسرة: عايز يخرج ولاده من المدرسة ومشغل بنتي عشان تأكله
كان حلم أم سهام عندما زوجت ابنتها أن تراها سعيدة مثل أي بنت في بيت زوجها، ولم تتوقع أبدا أن تعيش لليوم الذي ترى ابنتها على أعتاب محكمة اﻷسرة ترجو أن تأخذ حقوقها من زوجها.
مثل أي أم لا تريد أم سهام أن تخرب بيت ابنتها فكانت تصلح بينها وبين زوجها عند حدوث أي مشاكل، وعندما نزلت ابنتها لتعمل وتصرف علي بيتها وزوجها طلبت اﻷم من ابنتها ان تتحمل من أجل ابنائها، لم يقدر الزوج أي من ذلك وظل يزداد في ظلمه لسهام وعدم احترامه لحماته، وعندما وجدت اﻷم أنها ممكن أن يعود على ابنتها أذى بسبب زوجها أخذتها وتوجهت لمحكمة اﻷسرة لتعطيها حقوقها وتراها سعيدة من جديد.
جوز بنتي مطلع عينيها
قالت أم سهام: بنتي اتجوزت بقالها 11 سنة وخلفت ٣ اولاد واحد في ثانوي وفي سنة خمسه وسنة ستة، من ساعة ما اتجوزت وجوزها مطلع عينيها في مشاكل، ميصرفش عليها، ولا بيأكلها هي عيالها ومش عايز يودي العيال المدرسة عشان ميدفعش المصاريف و لا بيدفع مصاريف بيت وﻻ أي حاجة.
كنت بقول لبنتي تتحمل جوزها
تابعت اﻷم: بنتي لما كانت بتيجي تشتكيلي كنت بقولها تصبر عليه يمكن في يوم حاله يتعدل، وكنت بساعدها باللي أقدر عليه، مكنتش عايزة بيتها يتخرب، نزلت هي اشتغلت وبقت تصرف على عيالها عشان ميعدوش من المدرسة حتى اﻷكل هي اللي بتجيبه ، و هو مرتبه مضيعه على نفسه ومبيديهاش حاجة
اقرأ أيضا
أمه بتقومه على مراته وعياله
أكملت اﻷم: بقاله بقاله ٣ سنين على الحال ده لما هي نزلت اشتغلت مبقاش يصرف خالص، امه هي اللي مسلطاه بعمل كل ده، حتى لما العيال يطلبوا منه فلوس يشتمهم ويضربهم، لحد أخر مشكلة بنتي سابت البيت بسبب انه اتخانق معاها وضربها وشتمها بيا أمها وأنا عمري ماغلط فيه ولا اتدخلت في اي حاجة بينهم وكنت بقلها تصبر عليه.
مبيسألش في مراته ولا في عياله
أضافت اﻷم: من ساعة ما بنتي جت عندي، محاولش يصالحها ولا يرجعها ولا حتى يطلق، وهي مرضيتش تطلب الطلاق عشان عيالها ، بس رفعت عليه قضية نفقة عشان عيالها برضو، معملش حاجة لما عرف انها رافعة عليه قضية، ولسه مبيسألش فيهم.
تابع أحدث الأخبار عبر
