سمية في دعوى نفقة: جوزي طمعان فيا أنا وأهلي وأخرتها غدر بيا وطلقني
كان حلم سمية عندما تزوجت أن يكون لها أسرة وبيت مستقل تعيش وتربي فيه أولادها مع زوجها لكن طمع زوجها دمر كل حياتهم.
كان زوج سمية رجل طبيعي وكان أب مثالي ﻷولاده، ولهذا السبب كانت تصبر سمية على طباعه الصعبة ورفضه أن يصرف عليها أو على بيتهم بحجه أن أهل سمية لديهم أموال تكفيهم ويستطيعوا أن يصرفوا على سمية وأولادهم، وعندما وجد الزوج أن أطماعه لن تتحقق طلق الزوجة غيابي وتركها وحدها دون سؤال أو يصرف عليها وعلى أولادها، واضطرها أن تلجأ لمحكمة اﻷسرة لتحصل على حقوقها وحقوق ابنائها منه.
وعد أبويا يحافظ عليا وطلع كذاب
قالت سمية: اتجوزت من ١١ سنة، ولما جوزي اتقدملي ابويا قاله تقدر تعشيها وتحافظ عليها قاله هيحافظ عليا ومن ساعة ما اتجوزته والحياة بقت صعبة وكلها مشاكل ومعملش حاجة من اللي وعد ابويا بيها، في اﻷول الحياة بينا كانت طبيعية ومفيش مشاكل، لكن مع الوقت كانت المشاكل بتزيد، خلفت منه ولدين ولد في اولى اعدادي وخمسه ابتدائي، وكنت بعيش واعدي المشاكل عشانهم.
جوزي طمعان في أهلي
تابعت الزوجة: طول عمره كان طمعان فيا وفي أهلي، مبيصرفش من زمان عليا أو على أولاده وبيقولي اصرفي أنتي ، وانا مبشتغلش ولما قولتله انزل اشتغل رفض، وقالي خلي اهلك يدوكي فلوس، ولما كنت بشتكي ﻷهلي ابويا كان بيديني عشان بيتي وولادي، ولما ابويا مات جوزي بقى عايزني أخد من أمي وأمي يدوبك المعاش بيكفيها هي وأخواتي.
جوزي غدر بيا وطلقني
أضافت سامية: وفي مرة كنت زعلانة وعند أمي غدر بيا وطلقني غيابي، طلقني عشان ملقاش أمل أنه ياخد من أهلي فلوس تاني، أنا مكنتش عايزة أطلق كنت عايزة أعيش وأربي عيالي، العفش والدهب وكل حاجة خدها ومخدتش منه حاجة.
بيسأل على عياله بس مبيصرفش عليهم
أكملت سمية كلامها وقالت: من ساعة الطلاق أنا عايشة وبربي عيالي، وأمي هي اللي بتصرف علينا، بيسأل على عياله و بيشوفهم و روحه فيهم بس مش عايز يصرف خالص، معتمد ان أهلي معاهم فلوس ونصرف منها، واضطريت أرفع عليه قضية نفقة عشان أخد حقي وحق ولادي منه.
تابع أحدث الأخبار عبر
