"أب مثالي وزوج ميتعاشرش".. أماني في طلاق ضرر: بيكسر عضمي من يوم ما اتجوزته
في اول نظرة على «أماني» التي تواجدت على أعتاب محكمة الأسرة، يبدو عليها انها تجر أذيال الخيبة والندم على ما وصل له حالها من بعد زواج لم يترك لها سوى وجع وحزن وذكريات اليمة.
تزوجت «أماني» في اول حياتها وكانت مثل اي بنت تحلم ان تدخل القفص الذهبي مع من اختارته أن يكون شريك عمرها ولكن تحول حلمها لكابوس، فمنذ اول زواجها واجهت مع زوجها حياة يملئها الألم والحسرة، وبعد صبرها على زوجها لسنين عديدة انتهت بها السبل في النهاية لمحكمة الأسرة لتنهي قصتها مع زوجها وتحصل على حريتها حتى تسيطر على حياتها من جديد.
من ساعة ما اتجوزته وهو قاسي معايا
قالت «أماني» : انا جوزي اتقدملي عن طريق معارف كان جواز صالونات، وسألنا عليه ومحدش قالنا حاجة وحشة عليه، واتجوزت وكنت فرحانة ان هيبقى ليا بيت وأسرة، خلفت من جوزي ولد وبنت الولد 3 سنين والبنت 4 سنين، جوزي من ساعة ما اتجوزنا وهو قاسي في المعاملة معايا وكنت بقول لما اخلف ربنا هيهديه لكني كنت غلطانة.
بيضربني من يوم ما أتجوزته
تابعت «أماني»: لما خلفت فعلا جوزي بقى اهدى كتير ومش بيتعصب زي الاول وكان بيعامل الولاد أحسن معاملة وعمره ما عمل معاهم اي حاجة وحشة او عاملهم بطريقة مش كويسة، بس بالرغم كدة معاملته معايا كانت لسه قاسية وبقى يوصل للضرب والإهانة، مع إني بتقي ربنا فيه وبعامله كويس،
أب مثلي وزوج ميتعاشرش
اكملت «أماني»: كان بيضربني من يوم ما اتجوزنا الضرب كان بيكسر عضمي، واتحملته كتير عشان مخربش بيتي واللي كان مصبرني عليه أنه أب كويس بيعامل ولاده أحسن معاملة بس كان زوج ميتعاشرش، فضلت صابرة لحد ما لقيت الحياة معاه بقت صعبة، وسيبته لما خفت يعمل فيا حاجة أو يموتني.
انهت «أماني» كلامها وقالت: فضلت معاه ٦ سنين وسيته بقالي شهرين بس ، لما الخلافات زادت وبقت صعب أعيش بسببها، وبالرغم اني رافعة عليه قضية طلاق ضرر بسبب اللي هو عمله معايا، عيالي دلوقتي عايشين معايا وهو بيسأل عليهم وبيصرف عليهم عادي، ومش مخليهم محتاجين حاجة زي وقت ما كنا متجوزين بالظبط.
تابع أحدث الأخبار عبر
