أسماء في دعوى خلع: رماني واتجوز عليا عرفي ومراته عذبت ولادي
٧ سنين عاشتهم «أسماء» مع زوجها وكان كل حلمها أن تعيش في بيتها مع زوجها وتربي اطفالهم في هدوء دون مشاكل، ولكن المحاكم كانت النهاية التي وصلت لها «أسماء» فزوجها دمر أسرتها ودمر سعادتها.
تفاجئت «أسماء» بزوجها انه تزوج عليها عرفي، وبالرغم من خيانة زوجها لها لم تطلب الطلاق ولكنها عاشت مع زوجها حتى لا تخرب بيتها ولا تعرض اولادها الثلاثة لأي أذى نفسي، لكن زوجها لم يتركها تعيش في حالها لتربي اولادها بل عرض أولادهم لأشد عذاب نفسي وجسدي عندما تركهم لزوجته الثانية كانت تعذبهم ولا تطعمهم، وعندما رأت «أسماء» الحال الذي وصل له أولادها قررت أن تبعدهم عن زوجها وتتركه وتلجأ لمحكمة الأسرة حتى تتخلص من العذاب والألم الذي رأته معه.
أهله كانوا مشغلني عندهم
قالت «أسماء»: اتجوزت من ٧ سنين وكان جواز صالونات وجبت ٣ ولاد، كنا كويسين ومفيش اي مشاكل وهو بياخد باله من بيته ومن عياله، مكنش في مشاكل غير بس مع اهله بس كنت بعديها مادام جوزي كويس معايا خلاص، اهله كانوا مبهدلني وبيشغلوني في البيت عندهم غصب عني.
جوزي اتجوز عليا فجأه
تابعت الزوجة: من فترة والدته اتجوزت عرفي من غير ما ولادها يعرفوا، ولما عرفوا طردوها سنة وفي نفس السنة دي اكتشفت ان جوزي اتجوز فيها عليا عرفي وانا معرفش، ولما امه رجعت جابت اللي جوزي اتجوزها عشان تضايقني، صعب عليا نفسي وقتها انا كنت شايلة اهله وشايلاه وده اللي حصلي في الاخر.
فضلت معاه سنة وهو راميني
أضافت «أسماء»: اتفاجئت انه متجوز عليا عرفي مكنش في بينا مشاكل معرفش عمل كدة، وبالرغم كدة قلت مش مشكلة واعيش ومطلقش ومخربش بيتي، وفضلت معاه سنة وهو متجوز عليا واحدة تانية، في السنة دي مجاش البيت غير مرتين تلاتة ومبيصرفش عليا أو على ولاده
اللي اتجوزها دي طلع يعرفها من وانا حامل في ابني الاخير وانا معرفش، بقى بيمشي ويسبني ويقفل التليفون ولما كلمته عشان يصرف عليا انا وولاده عمل معايا مشكلة، قلتله ساعتها يا انا يا هي مرضيش يطلقني وقال مش هيطلقها، مبقاش ليا نفس اني افضل عايشة معاه زهقت من الحياة معاه فسيبته
مرات جوزي كانت بتعذب ولادي
اضافت «أسماء»: كل الفترة اللي سايبني فيها دي ابويا اللي بياكلني، ولما مشيت سيبت البيت بالهدوم اللي عليا ورحت بيت اهلي خد مني العيال، وبعدين خدت منه الصغيرين وقالي عايز يشوفهم خدهم ١٥ يوم مرضيش يرجعهم، مراته كانت بتضربهم ومبتاكلهمش، ورجعت العيال امه جابتهم وبقاله ٤ شهور مسالش فيهم وجيت ارفع قضية نفقة.
تابع أحدث الأخبار عبر
