فكرته فارس أحلامي طلع مدمن.. منى بدعوى طلاق : مخلص فلوسه على الكيف وبيشحت علينا
تزوجت "منى" من رجل توسمت فيه الخير والصلاح، وجدت فيه كل مواصفات أحلامها الذي جعلها لا تردد ثانية واحدة في اختياره ليكون شريك الحياة الذي تكمل معه باقي حياتها، لتتفاجأ في السنة الأولى من الزواج أنه مدمن، ضاع حلمها في وكتبت نهاية قصتها على أعتاب محكمة الأسرة.
فكرته فارس أحلامي طلع مدمن
توقعت حياة مستقرة وفقًا لما رأته منه قبل الزواج فكان رجل ونعم الرجال على حسب قولها وأكدت على هذا في قولها: "في الأول كان جواز صالونات عادي بس لما اتعرفنا على ىبعض أكتر شفت فيه الراجل اللي هيحافظ على البيت وهيحافظ عليا، مشوفتش منه حاجة وحشة خالص طول فترة الخطوبة، كل اللي شوفته منه طيبة وحنية خلاني متأكدة إن دا الراجل اللي انا عايزة أكمل معاه باقي حياتي".
فكرته فارس أحلامي طلع مدمن
كل توقعاتها انقلبت رأسًا على عقب في السنة الأولى من الزواج عندما اكتشفت أنه مدمن ، فلا تعرف هل معرفته للمخدرات من قبل الزوج أم بعده، ولكن الذي كانت تعرفه ومتأكدة منه أنها قرر الحفاظ على حياتها لعلها تكون السبب في إقلاعه عن الإدمان، تابعت: "مكملتش أول سنة في الجواز وعرفت المصيبة الكبيرة إنه بيشرب مخدرات، استغربت جدًا لإن الشخصية اللي أنا عارفاه مكنش باين عليه خالص إنه ممكن يكون بيشرب أي حاجة، ومكنتش عارفة برضوا هو بيشرب من قبل الجواز ومخبي عليه ولا إيه الموضوع"، أضافت منى: "مهنش على أسيبه لما عرفت وقلت اساعده واقف جمبه يمكن يبطل القرف دا، وفضلت أحاول معاه بكل الطرق بس هو مصمم إنه يمشي في السكة دي".
بيشحت مصاريف العيال
بعد إنجابها للأطفال ظنت أن الأمور تتحسن ويقلع عن الإدمان ، ولكن في الحقيقة أن الأمور كانت تزداد سوءً، فكان ينفق كل أمواله على كيفه وعندما يجد أن أولاده يحتاجون للأموال، "كان بياخد قرشين من أي حد عشان يعرف يجيب أي حاجة للعيال" على حسب قولها، وتكمل الحديث: "مش عارفة أعيش مع واحد مضيع فلوسه على المخدرات وبيشحت لعياله مصاريفهم، عرفت إن مفيش فايدة خلاص عشان كدا سيبت البيت ومفكرتش أطلب منه الطلاق حتى ورحت رفعت عليه قضية طلاق في محكمة الأسرة عشان عارفة إنه مش هيوافق يطلق ودي".
تابع أحدث الأخبار عبر
