«أهله خدعوني».. سهى في دعوى طلاق: مش عايزه عيالي يتربوا مع أب مدمن
انفصال حتمي فكرت فيه "سهى" بكل جدية بعد ما علمت بالسر الذي كان يخفيه الزوج هو وأهله عليا ألا وهو أنه مدمن منذ سبع سنوات وهي الوحيدة التي لم تعرف، حاولت في البداية أن تقف بجانبه ولكنه مصر على قرار الإدمان وأنه يبقى على حاله ما دفعها تفكر في مستقبلها هي وأولادها ووجدت أن الحل السليم هو رفع دعوى طلاق في محكمة الاسرة.
سهى في دعوى طلاق: مش عايزه عيالي يتربوا مع أب مدمن
"في الخطوبة كان حاجة تانية خالص"، هذا ما بدأت به إسراء حديثها للقاضي، مؤكدة على أنه كان رجل صالح طوال فترة الخطوبة ولكنها لا تدري ما الذي حدث مرة واحدة بدون مبرر لتكتشف بعد ذلك السر الخطير الذي جعل الزوج همجي بهذه الطريقة معها، بدأت الزوجة تروي تفاصيل قصتها قائلة: "من ساعة ما عرفته وهو محترم وكويس معايا جدا ومعاملته مفيش زيها ومع إننا كنا خطوبة صالونات بس حبيته أوي من طريقته وكانت العلاقة بينا تمام ومفيش اي مشاكل خالص".
طلع مدمن
بدأ الزوج يتغير معها في بداية الزواج مباشرة ما جعلها تسأل نفسها عن سبب التغير المفاجئ ولكنها لم تجد أي إجابة، علمت سبب تغيره بعدما اكتشفت السر الذي حاول إخفاءه عليها وهو أنه يتعاطى المخدرات، ظنت أنه جديد في الإدمان وحاولت معه أنه يتوقف عن إدمانه، ولكن كان يوجد شيء خطير لم تعرفه الزوجة، ما زالت تتابع سهى الحديث: "لما عرفت إنه بيشرب مخدرات قلت عادي لسه في الأول وهنعرف نسيطر على الموضوع بس للأسف الموضوع طلع أكبر من كدا بكتير واكتشفت إنه كان مدمن قبل الجواز أصلا ,اهله حاولوا يعالجوه كتير قبل كدا ومعرفوش".
مدمن بقاله 7 سنين وأهله مخبين عليا
أضافت: "ومطلعش مدمن قبل الجواز بسنة ولا اتنين لا دا طلع بـ 7 سنين بحالهم، مكنتش مصدقة نفسي عشان لما عرفته مكنش يبان عليه خالص إنه كان مدمن أصلا"، استكملت سهى: "قلت اقف جمبه وأعمل اللي عليا بس معرفتش أعمل معاه أي حاجة خالص، ومصمم يمشي في الطريق اللي أخرته وحشة دي، حاولت سنة واتنين وتلاتة بس تعبت معاه خلاص ومش عايزه عيالي يتربوا وسط أب مدمن".
كانت محكمة الأسرة هي الحل لسهى بعدما فشلت كل محاولاتها معه، رفعت دعوى طلاق لتنقذ أولادها من البيئة الملئية بالمخدرات بسبب والدهم.
تابع أحدث الأخبار عبر
