هالة في محكمة الأسرة: جوزي كان عايز يبيع بنتي بـ 1000 جنيه عشان المخدرات
كانت المخدرات السبب الذي أوصل «هالة» لمحكمة الأسرة مع العديد من السيدات مثلها دمرت المخدرات التي يتعاطها أزواجهن حياتهن وجعلت النهاية معهم حتمية.
تقدم لخطبه «هالة» وهي في بداية حياتها شاب قريب لها ووافقت على الزواج وفي مخيلتها أنها ستدخل القفص الذهبي ويصبح لديها بيت وأسرة وعائلة لكن ما حدث معها كان عكس كل أحلامها، فسيطر على زوجها الإدمان وأنسته المخدرات أن لديه أسرة يجب عليه أن يرعاها ويصونها، وأجبرت أفعال الزوج «هالة» أن تلجأ لمحكمة الأسرة حتى تنقذ بنتها ونفسها من زوجها وإدمانه للمخدرات و تحصل على حقوقها.
اقرأ أيضا
اكتشفت أن جوزي بقى مدمن مخدرات
قالت «هالة»: اتجوزت من ٢٠١٦ وفضلت ٨ سنين متجوزة خلفت من جوزي بنت بس، الحياة بينا في الأول كانت طبيعية ومكنش في بينا أي مشاكل ولما خلفت كنا فرحانين ببنتي وهو كان نفسه يبقى أب، لحد من فترة كدة بان عليه حجات غريبة ولما دورت وراه عرفت انه بقى يشرب مخدرات.
سرق عفشي عشان المخدرات
تابعت «هالة»: سيبت جوزي من شهر ٧ اللي فات بسبب اللي شفته معاه في أخر فترة، المخدرات لحست دماغه بقى أهم حاجة عنده نفسه والمخدرات وبس، سرق عفشي وكل حاجتي اللي تخصني عشان فلوس المخدرات، وبقى كل ما اجيب تليفون يسرقه ويبيعه عشان المخدرات، ده غير الحياة معاه كلها كانت ضرب وإهانة وقله مصاريف وبهدلة طول الوقت استحملت قلت يمكن ربنا يهديه ويتعدل لكن مكنش في فايدة معاه.
كان عايز يبيع بنتي عشان يجيب مخدرات
أضافت «هالة»: كل مادى كان بيبقى أسوء ومبيصرفش عليا أكتر من الاول وانا كنت اعده في بيت عيله واللي اهله بياكلوه باكله، وامي لما لقت حالي كدة بقت هي اللي بتبعتلي مصاريف أخر حاجة حصلت خلتني سيبته ومرجعتش تاني، لما جالي في يوم وقالي إنه هيبيع بنتي وياخد قصادها ألف عشان المخدرات سيبته على طول ومستنتش.
انكر انه مبيصرفش على بنته
أكملت الزوجة كلامها وقالت: سيبته خفت يعمل حاجة في بنتي أو يموتها قلت لو مخطفهاش من قدامي هيخطفها من ورايا ويعمل فيها حاجة، كان مبيصرفش لا في بيته ولا لما سيبته، ولما رفعت عليه دعوى نفقة جه قدام القاضي أنكر انه مبيصرفش على البنت وقال بيصرف واتخانق معايا وبهدلني عشان رفعت قصية لكن معنديش حل تاني.
تابع أحدث الأخبار عبر
